Bu yaxınlarda Alyansın baş katibi Yens Stoltenberqin də iştirak etdiyi Praqada NATO xarici işlər nazirlərinin qeyri-rəsmi görüşü keçiriləcək.

Görüşdən əvvəl Stoltenberq bildirib ki, Ukrayna Silahlı Qüvvələri hələ də döyüş meydanında qalib gələ bilər, lakin bunun üçün Kiyevə NATO-nun əhəmiyyətli dəstəyi lazımdır.

“Ukrayna cəsarətlə döyüşməyə davam edir, lakin onun üzləşdiyi problemlər böyükdür və getdikcə artır. Ukrayna hələ də qalib gələ bilər, ancaq NATO müttəfiqlərinin davamlı güclü dəstəyi ilə. Buna görə də, iyulda keçiriləcək NATO sammiti zamanı biz dəstəyimizi gücləndirməyi planlaşdırırıq, bu, müdafiə yardımı və təlimlərin əlaqələndirilməsində NATO-nun daha güclü rolunu, eləcə də çoxillik maliyyə öhdəliklərini əhatə edəcək”, - NATO-nun baş katibi bildirib.

Stoltenberq həmçinin bildirib ki, Qərb müttəfiqləri üçün Ukraynaya verilən silahların istifadəsinə dair bəzi məhdudiyyətlərə yenidən baxmağın vaxtı çatıb.

Nigar