Almaniya Ukrayna üzərindən raketləri vurmağa başlaya bilər

Almaniyanın Xristian Demokratik İttifaqı (CDU), Yaşıllar və Azad Demokrat Partiyasının (FDP) bir neçə deputatı Rusiya raketlərinin NATO ərazisindən vurulmasını təklif edib.

 

Oxu24.com  xəbər  verir  ki, bu barədə Frankfurter Allgemeine Zeitung (FAZ) yazır.

Fransa prezidenti Emmanuel Makronun NATO qoşunlarını Ukraynaya göndərmək fikrinə cavab olaraq Almaniya Bundestaqının deputatları Kiyevə NATO ərazisindən Qərb zenit bölmələri və ekipajlarının köməyi ilə dəstək verməyi təklif ediblər.

 

Nəşrin məlumatına görə, Münhen Təhlükəsizlik Konfransından Niko Lange və NATO baş katibinin keçmiş müavini general-leytenant Henrix Brauss Polşa və ya Rumıniya ərazisindən Ukraynanın sərhədyanı rayonları üzərində Rusiya raketlərinin vurulmasını təklif ediblər.

 

CDU-dan Roderick Kiesewetter hesab edir ki, “bu, Ukraynanın hava hücumundan müdafiə sistemindəki yükü götürəcək və ona cəbhəni müdafiə etməyə imkan verəcək”.

 

O, aprel ayında ABŞ, Böyük Britaniya, Fransa və digər ölkələrin bölmələri İranın hava hücumunu dəf etməyə kömək edən İsraili misal çəkib.

 

Yaşıllar Agnieszka Brugger və Anton Hofreiter uzunmüddətli perspektivdə bu variantı istisna etmirlər.

 

FDP-dən Markus Faber də hesab edir ki, Ukraynanın sərhədyanı rayonları üzərindəki hava məkanı, prinsipcə, NATO ərazisində hava hücumundan müdafiə sistemləri ilə qoruna bilər.

 

Miri