ABŞ Venesuelanın neft-qaz sektoru ilə əməliyyatlar üçün lisenziyanın müddətini uzadıb

ABŞ hakimiyyəti Venesuelanın neft-qaz sektoru ilə əməliyyatlara icazə verən sənədin müddətini müvəqqəti uzadıb.

 

Oxu24.com   bu barədə Amerika Maliyyə Nazirliyinə istinadən xəbər verir.

 

Ümumi lisenziya Halliburton, Schlumberger, Baker Hughes və Weatherford International-ı əhatə edir.

 

15 noyabr 2024-cü il tarixinə qədər uzadılıb.

 

Bu istisna olmaqla, ABŞ-ın Venesuelanın neft sektoruna tətbiq etdiyi sanksiyalar ABŞ şirkətlərinə Prezident Nikolas Maduro hökumətinin nəzarətində olan hər hansı orqan və ya qurumlarla iş görməyi qadağan edir.

 

Bundan əvvəl, aprel ayında Ağ Evin sözçüsü Con Kirbi rəsmi Karakas və müxalifət arasında razılaşmalarda əhəmiyyətli irəliləyiş əldə olunmasa, müvəqqəti icazənin ləğv ediləcəyi ilə hədələmişdi.

 

Mayın 6-da Venesuela prezidenti Nikolas Maduro bildirib ki, ABŞ Latın Amerikasını hərbiləşdirir və Qayananı Ukrayna və Rusiyada olduğu kimi Venesuelaya hücuma hazırlayır.

 

Aprelin 4-də Maduro qeyd edib ki, Venesuelanın 1834-cü ildən Qayana ilə mübahisə etdiyi Essequibo bölgəsində Amerika ordusunun gizli bazaları və CIA hücrələri var. Onun fikrincə, ordu, CIA və ExxonMobil tərəfindən təmsil olunan ABŞ hazırda Qayananın siyasi və hərbi strukturlarına nəzarət edir.

 

Bundan əvvəl Venesuela amerikalı tələbələrin İsrail təcavüzünə qarşı etirazlarını dəstəkləyib.

 

Nigar