Gürcüstan parlamenti xarici agentlər haqqında qanuna baxılması üçün son tarixi elan edib

Gürcüstan parlamentinin üzvləri gələn həftə xarici agentlər haqqında qanun layihəsinə üçüncü və yekun oxunuşda baxacaqlar.

 

Oxu24.com  xəbər verir ki, bu barədə respublika parlamentinin sədri Şalva Papuaşvili parlament çoxluğunun iclasından sonra keçirilən brifinq zamanı bildirib.

 

Mayın 1-də Gürcüstan parlamenti “Xarici agentlər haqqında” qanunu ikinci oxunuşda qəbul edib.

 

Sənədin lehinə 83 deputat, əleyhinə isə daha 23 deputat səs verib.

 

Bundan əvvəl ABŞ Dövlət Departamentinin sözçüsü Metyu Miller bildirib ki, Gürcüstan anti-Qərb ritorikasına və xarici agentlər haqqında qanun layihəsinə görə Avropa İttifaqı və NATO-ya üzvlük perspektivlərini riskə atıb.

 

Dövlət Departamentinin sözçüsü hesab edir ki, Gürcüstanda kütləvi etirazlara səbəb olan qanun layihəsi Moskvadan “ilhamlanıb”.

 

Buna cavab olaraq hakim “Gürcü arzusu” partiyasının üzvü Rati İonatamişvili bildirib ki, Tbilisi milli təhlükəsizlik maraqlarından çıxış edir.

 

Bundan əvvəl ABŞ Gürcüstana xarici agentlərlə bağlı “Kremldən ilhamlanan” qanunun nəticələri barədə xəbərdarlıq etmişdi.

 

Miri