Zelenski Belarusu Avropa Birliyində görmək istəyir

Ukrayna prezidenti Vladimir Zelenski bildirib ki, Avropa İttifaqının (Aİ) genişlənməsi üzvlüyə namizəd statusu olan dövlətlər siyahısından kənara çıxmalı və gələcəkdə Belarusu əhatə etməlidir.

 

Oxu24.com  xəbər  verir   ki, Onun Avropa Parlamentinin sədri Roberta Metsola ilə keçirdiyi mətbuat konfransındakı sözlərini “European Truth” nəşri sitat gətirir.

 

“Biz iyunda danışıqlar çərçivəsinin təsdiqlənməsi və Ukraynanın Avropa İttifaqına daxil olması ilə bağlı danışıqların faktiki olaraq başlaması üçün bütün şərtləri yerinə yetirmişik. Həmçinin, Avropa İttifaqında olmağa layiq olan digər xalqlar üçün Avropa birliyinin həqiqətən də işləməsi vacibdir ki, onlar da öz namizəd statuslarını reallaşdırsınlar”, - deyə Zelenski bildirib.

 

Onun sözlərinə görə, “Avropa həm Balkanlar, həm də Moldovadır və Gürcüstan və Belarus üçün mütləq Avropa Günü olacaq”.

 

Materialda qeyd olunur ki, Zelenski ilk dəfə Belarusun Avropa İttifaqının bir hissəsi kimi vizyonunu açıqlayıb. O da qeyd olunur ki, dövlət başçısı öz siyahısında Türkiyənin adını çəkməyib.

 

Bundan əvvəl Avropa Parlamentinin sədri Roberta Metsola demişdi ki, Ukraynanın Aİ-yə daxil olması yolu çətin olacaq, lakin Kiyevin birləşmə yolu unikaldır.

 

Nigar