Rusiyada xidmət edən ukraynalı kiçik zabitin 6 əsgəri və komandirini yatarkən öldürərək qaçdığı iddia edilib.

Oxu24.com xarici mediaya istinadən  xəbər  verir  ki,Rusiya ordusunda kiçik zabit kimi xidmət edən Ukrayna əsilli Yuri Qaluşkonun yatmış 6 əsgəri  və komandirini öldürərək qaçdığı iddia edilib. Qaluşkonun Ukraynaya keçə  biləcəyindən ehtiyatlanaraq genişmiqyaslı axtarışlara başlanılıb.

Rusiyanın işğalı altında olan Donetsk vilayətində 10-cu tank alayının haubitsa artilleriya batalyonunda xidmət edən Qaluşkonun ötən gecə yaxın məsafədən dostlarının ürəyindən və sinəsindən atəş açdığı, daha sonra AK-12 “Kalaşnikov” avtomatı ilə qaçdığı bildirilib.

Hücum Rusiyanın pravoslav Pasxa bayramını qeyd etdiyi və Qələbə günü tədbiri öncəsi hərbi parad keçirdiyi vaxt baş verib.

Hələlik rəsmi açıqlama verilməsə də, Telegram-da yer alan sənədə əsasən, Qaluşkonun həbsi ilə bağlı xəbərdarlıq edilib. Sənəddə deyilir  ki, “2024-cü il mayın 4-də kiçik zabit Qaluşko 10-cu tank alayının haubitsa artilleriya batalyonunun altı əsgərini öldürüb və AK-12 avtomatı  ilə birlikdə yoxa çıxıb. Ukrayna mənbələri Qaluşkonun əslən ukraynalı olduğunu və Rusiya üçün döyüşməyə məcbur olduğunu bildiriblər.

Miri