Çexiya ABŞ-la birgə təlimlər keçirəcəyini açıqlayıb

ABŞ-ın iştirakı ilə Çexiyada Dərhal Cavab hərbi təlimləri keçiriləcək.

 

Oxu24.com  xəbər verir ki, bu barədə Çexiya Ordusunun Baş Qərargahının mətbuat katibi Maqdalena Dvořakova bildirib.

 

Qeyd olunur ki, iki həftəlik təlim Libaudakı poliqonda baş tutacaq və onlarda 800-ə yaxın amerikalı və 350 çex əsgəri iştirak edəcək.

 

Bundan əvvəl Federasiya Şurasının Beynəlxalq Əlaqələr Komitəsinin sədri Qriqori Karasin demişdi ki, Polşanın NATO-nun “Sabit müdafiəçi 2024” təlimi çərçivəsində Kalininqrad vilayəti ilə sərhədlərə hərbi texnika ötürməsi təxribata bənzəyir.

 

O da məlum olub ki, mayın əvvəlində Polşa silahlı qüvvələri NATO-nun “Sabit müdafiəçi 2024” təlimi ilə əlaqədar ölkənin şimalına, o cümlədən Rusiya Federasiyasının Kalininqrad vilayəti ilə sərhədlərinə hərbi texnika ötürəcək.

 

Bundan əvvəl Çexiya prezidenti bildirib ki, Rusiya Avropaya yaxşılıq arzulamır.

Nigar