İsveç Sevpotokla bağlı beynəlxalq araşdırmanın “heç nə verməyəcəyini” açıqlayıb

İsveç Xarici İşlər Nazirliyi “Şimal axını” partlayışları ilə bağlı beynəlxalq araşdırma aparmağa ehtiyac görmür.

 

Bu barədə Oxu24.com  Xarici İşlər Nazirliyinin mətbuat xidmətinə istinadən xəbər verir.

 

Nazirlik qeyd edib ki, İsveç hakimiyyət orqanları insidentlərlə bağlı müstəqillik, qərəzsizlik və qanunun aliliyi kimi fundamental prinsiplərə uyğun olaraq araşdırma aparıb. Bununla belə, digər milli araşdırmalar davam edir.

 

“Beynəlxalq araşdırmaya ehtiyac yoxdur. Bu, heç nə verməyəcək”, - deyə İsveç Xarici İşlər Nazirliyi bildirib.

 

Aprelin 27-də Çin BMT-nin himayəsi altında “Şimal axını”nın təxribatı ilə bağlı beynəlxalq araşdırmaya çağırıb. Çin Xalq Respublikasının BMT-dəki daimi nümayəndəsinin müavini Qenq Şuanq bu məsələdə “ikili standartlardan qaçmağın” vacibliyini qeyd edib.

 

Öz növbəsində, Rusiyanın BMT-dəki daimi nümayəndəsi Vasili Nebenzya “bu mövzunun əyləcdə getməsinə imkan verməmək” və bir sıra ölkələrin izlərini gizlətmək cəhdlərinə müqavimət göstərmək zərurətini bəyan edib. 

 

Bundan əvvəl Rusiya Federasiyasının Baş Prokurorluğu “Şimal axını”nda baş verən partlayışlarla bağlı istintaqın gedişatını açıqlamışdı.

 

Afət