Gürcüstanın baş naziri İrakli Kobaxidze bildirib ki, hakim “Gürcü arzusu” partiyası etirazlardan yaranan narahatlığa baxmayaraq, xarici agentlər haqqında qanun layihəsini hər üç oxunuşda qəbul etməyi planlaşdırır.

Oxu24.com xəbər  verir  ki,bu barədə TASS məlumat yayıb.

Onun fikrincə, qanun layihəsinin qəbulundan yaranan diskomfort bir neçə gün davam edəcək.

O, hesab edir ki, gələcəkdə bu təşəbbüs ölkəni uzun illər qütbləşmədən və radikalizmdən sığortalamağa imkan verəcək.

Kobaxidze həmçinin qanun layihəsinə qarşı keçirilən mitinqlərdə hüquq-mühafizə orqanlarını səbirli olmağa çağırıb.

Bundan əvvəl politoloq Vaso Kapanadze bildirib ki, Gürcüstanda xarici agentlər haqqında qanunun qəbulu ilə bağlı müzakirələr prosesi sakit getməyəcək, yekunda qanun qəbul olunacaq.

Mayın 1-də Gürcüstan parlamentində xarici agentlər haqqında qanun layihəsinin müzakirə olunacağı plenar iclas başlamazdan əvvəl müxalifət nümayəndələri ilə hakim çoxluq arasında dava düşüb.

İnsident müxalifətin “Vahid Milli Hərəkat” siyasi birliyinin rəhbəri Levan Xabeişvilinin yaralandığı xüsusi təyinatlı qüvvələrin hərəkətləri ilə bağlı hakimiyyətə qarşı ittihamlarla başlayıb.

Afət