Ukrayna MDB çərçivəsində səhiyyəyə dair sazişdən çıxdı

Ukrayna MDB çərçivəsində səhiyyə sahəsində əməkdaşlıq haqqında sazişdən çıxıb.

 

Oxu24.com  xəbər  verir   ki, bu barədə hökumətin Ali Radadakı nümayəndəsi Taras Melniçuk Teleqram kanalında məlumat verib.

 

Söhbət 1992-ci ildə Minskdə imzalanmış sazişdən gedir.

 

Bundan əlavə, Kiyev bu sazişə əlavə və dəyişikliklərlə bağlı iki protokoldan çıxıb.

 

Qeyd edək ki, Ukrayna MDB çərçivəsində imzalanmış müxtəlif sazişlərdən çoxdan çıxıb. Bu yaxınlarda Moldova da Kiyevdən nümunə götürməyə başlayıb.

 

Xatırladaq ki, 2023-cü ildə Moldova MDB çərçivəsində imzalanmış sazişlərdən imtina etməyə başlayıb. Ümumilikdə ölkə Birlik ilə 29 sazişi denonsasiya edib.

 

Bundan əvvəl, mart ayında Moldova siyasətçisi İlan Şor respublikanın Aİİ ilə iqtisadi əməkdaşlığa üz tutaraq, Avropa İttifaqı ilə inteqrasiyadan imtina etməli olduğu barədə bəyanat vermişdi.

 

Afət