2 nəfərin öldüyü qəzadan FOTO

Rusiya Daxili İşlər Nazirliyinin Dövlət Yol Müfəttişliyinin region üzrə rəis müavini Ruşan Qaleyev bildirib ki, Kurqan yaxınlığındakı magistral yolda minik avtomobili ilə “KamAZ”ın toqquşması nəticəsində iki nəfər ölüb.

Oxu24.com  xəbər  verir  ki, İdarədən verilən məlumata görə, qəza aprelin 24-də saat 13:50 radələrində Yekaterinburq-Şadrinsk-Kurqan avtomobil yolunun Ketovski bələdiyyə rayonu ərazisindən keçən hissəsində baş verib.

“Nissan Micra” markalı avtomobilin sürücüsü qarşıdan gələn nəqliyyat üçün nəzərdə tutulan yolun kənarına çıxaraq “KamAZ” markalı avtomobillə toqquşub”, - Qaleyev bildirib.

Qəza nəticəsində avtomobil əzilib, bu avtomobilin sürücüsü və sərnişini həyati təhlükəsi olan xəsarətlər alaraq hadisə yerində ölüblər.

İstintaq qrupunun və Dövlət Yol Müfəttişliyinin əməkdaşları hadisənin bütün şəraitini öyrənmək üçün hadisə yerində işləyirlər.

Bundan əvvəl aprelin 19-da Saratov vilayətində minik və yük maşınının toqquşması nəticəsində 4 nəfər həlak olub. 

Nigar