Polşanın ən böyük müxalifət partiyası Qanun və Ədalət (PiS) Varşavanın nüvə silahlarının birgə istifadəsi üçün NATO-nun Nüvə Paylaşımı proqramında iştirakını müdafiə edib.

Oxu24.com   xəbər  verir   ki, Bu sözləri jurnalistlərə açıqlamasında partiyanın parlament klubunun sədri, respublikanın keçmiş milli müdafiə naziri Mariuş Blaşçak deyib.

O qeyd edib ki, bu proqramda iştirak edən ölkələr ABŞ-a məxsus atom silahlarını daşıya bilər.

"İndi bizim təşəbbüsümüzə, Polşanın bu proqrama daxil olması lazım olduğunu bildirən Qanun və Ədalət təşəbbüsümüzə qayıtmağın vaxtıdır", - partiyanın X sosial şəbəkəsindəki səhifəsində deyilir.

Bundan əlavə, Blaşçak baş nazir Donald Tusku bu məsələni Varşavaya gələn NATO-nun baş katibi Yens Stoltenberqlə müzakirə etməyə çağırıb.

Bundan əvvəl Rusiya prezidentinin mətbuat katibi Dmitri Peskov bildirib ki, ABŞ-ın nüvə silahı Polşa ərazisində peyda olarsa, Rusiya buna cavab verəcək.

Bu halda söhbət Polşa prezidenti Andjey Duda ilə The Fakt-a müsahibəsindən gedir, orada prezident Varşavanın ölkədə Amerika nüvə silahlarını yerləşdirməyə hazır olduğunu bəyan edib.

Rusiya Xarici İşlər Nazirliyinin rəsmi nümayəndəsi Mariya Zaxarova bu bəyanatı xəbər hesab etmədiyini vurğulayıb.

Nigar