İsrail son 200 gündə  8430 fələstinlini həbs edib

İsrail qüvvələri Qəzza zolağına hücumlarını 200-cü gündür davam etdirərkən,  İordan çayının qərb sahili və Şərqi Qüdsdə də basqınlarını və həbslərini davam etdirir.

 

Oxu24.com  xəbər  verir   ki,  Fələstinli Məhbuslar Klubundan verilən açıqlamaya görə, oktyabrın 7-dən etibarən işğal altındakı İordan çayının qərb sahili və Şərqi Qüdsdə pozuntularını artıran İsrail, son 200 gündə ən az 8430 nəfəri nəzarətə götürüb.

 

Açıqlamaya görə, saxlanılanların 280-i qadın, 540-ı isə uşaqdır.

 

Bəyanatda həmçinin qeyd olunub ki, İsrail oktyabrın 7-dən bu yana işğal altındakı İordan çayının qərb sahili və Şərqi Qüdsdə 8430 fələstinlini həbs edib, həbsxanalardakı fələstinlilərin ümumi sayı 9500-ü keçib, onlardan 3660-ı inzibati məhbusdur.

 

Fələstin Səhiyyə Nazirliyinin məlumatına görə, oktyabrın 7-dən bəri İordan çayının qərb sahilində qanun pozuntularını artıran İsrail qüvvələrinin və qeyri-qanuni yəhudi məskunlaşanların hücumları nəticəsində son 200 gündə 122-si uşaq və 4-ü qadın olmaqla 487 nəfər ölüb. Qəzzaya hücumlar başladığında 4 min adam ölüb, 900 adam yaralanıb.

 

Nigar