Birinci rübün sonunda Rusiya Federasiyasının federal büdcəsinin gəlirləri 2023-cü ilin eyni dövrü ilə müqayisədə 50%-dən çox artıb.

Oxu24.com  xəbər verir ki, bunu Rusiyanın baş naziri Mixail Mişustin Nazirlər Kabinetinin iclasında bildirib.

O qeyd edib ki, federal büdcənin gəlirlərinin artması ölkə üçün əhəmiyyətli olan layihələrin həyata keçirilməsi üçün əlavə imkanlar açır.

Bundan əvvəl Beynəlxalq Enerji Agentliyi (IEA) aprel hesabatında Rusiyanın mart ayında neft və neft məhsullarının ixracından əldə etdiyi gəlirlərin 20% azalaraq 9,3 milyard dollara düşdüyünü bildirmişdi.

Bununla yanaşı, Rusiya Federasiyasının neft ixracının həcmi ötən ayın sonunda fevral ayı ilə müqayisədə sutkada 2,8% və ya 210 min barel (b/d) artaraq 7,84 milyon barel/gün təşkil edib.

Aprelin 19-da bildirilib ki, 2023-cü ilin sonunda Rusiya federal büdcəsinin qapalı hissəsinin həcmi ən azı 2005-ci ildən bəri rekord həddə çatıb. Təsnifatlaşdırılmış xərclər mənsubiyyəti açıqlanmayan xərclər kimi müəyyən edilir. Onların əsas hissəsi milli müdafiə və təhlükəsizlik kimi bölmələrdə cəmləşib.

Nigar