Rusiyanın  Voronej vilayətinin Paninski rayonunda iki avtomobilin toqquşması nəticəsində iki nəfər ölüb, beş nəfər yaralanıb.

 

Oxu24.com  xəbər  verir    ki,  bu   barədə  Rusiya Daxili İşlər Nazirliyinin region üzrə Baş İdarəsinin mətbuat xidməti məlumat yayıb.

 

Hadisə aprelin 15-də günorta saatlarında Kursk-Saratov yolunun 279-cu kilometrliyində baş verib.

 

“İlkin məlumatlara görə, “Land Rover” markalı avtomobili idarə edən sürücü qarşıdan gələn nəqliyyat vasitəsinə çıxıb və “Volvo” ilə toqquşub”, - deyə məlumatda bildirilir.

 

Qəza nəticəsində “Volvo”nun sürücüsü və “Land Rover”in sərnişini dünyasını dəyişib.

 

Bundan əlavə, Volvo-nun iki sərnişini, həmçinin Land Rover-in sürücüsü və iki sərnişini xəsarət alıb.

 

Hadisə yerində dövlət yol müfəttişləri işləyir, hadisənin bütün şəraiti aydınlaşdırılır.

 

Bundan əvvəl Xakasiyanın Prigorsk-Erbinskoye magistral yolunda baş verən qəzada 4-ü uşaq olmaqla 7 nəfərin xəsarət aldığı bildirilirdi.

 

Nigar

 

Oxu24.com