Tacikistan Türkiyənin viza rejiminin tətbiqi ilə bağlı qərarına cavab verəcək

Tacikistan Xarici İşlər Nazirliyinin rəsmi nümayəndəsi Şoxin Səmədi bildirib ki, ölkə Türkiyə vətəndaşları üçün viza rejiminin tətbiqi məsələsinə baxır.

 

Oxu24.com  xəbər  verir  ki,  bu barədə RİA Novosti məlumat yayıb.

 

"Tacikistan tərəfi qarşılıqlılıq prinsipinə uyğun olaraq Türkiyə vətəndaşları üçün viza rejiminin tətbiqi məsələsini nəzərdən keçirir", - Səmədi bildirib.

 

Eyni zamanda diplomat qeyd edib ki, Türkiyə viza rejiminin tətbiqi qərarı ilə bağlı Tacikistanı xəbərdar etməyib.

 

Bundan əvvəl Türkiyənin Tacikistan vətəndaşlarının ölkəyə vizasız daxil olmasına qadağa qoyduğu bildirilirdi.

 

Bu barədə fərmanı prezident Rəcəb Tayyib Ərdoğan imzalayıb.

 

Qərarın səbəbləri açıqlanmayıb.

 

Martın sonunda Tacikistan Respublikasının Əmək, Miqrasiya və Məşğulluq nazirinin müavini Şahnoza Nodiri ölkədə “mavi yaxa” peşələri üzrə altı təlim mərkəzinin açıldığını elan edib.

 

Bu mərkəzlərdən üçü əməkçi miqrantların təkcə peşəkar deyil, həm də dil hazırlığı ilə məşğul olacaq.

 

Miri