Çeçenistan Respublikasının başçısı Ramzan Kadırov özünün Telegram kanalında Moskvada Rusiya Federasiyası Təhlükəsizlik Şurasının katibi Nikolay Patruşevlə görüşdüyünü bildirib.

Oxu24.com  xəbər  verir  ki, "Biz regional hüquq-mühafizə orqanlarının və təhlükəsizlik orqanlarının fəaliyyətini, habelə ictimai təhlükəsizliyin təmin edilməsi məsələlərini müzakirə etdik", - Kadırov yazıb.

O qeyd edib ki, Patruşev tərəfindən qəbul edilən qərarlar regionda sabitliyin və təhlükəsizliyin bərqərar olmasına töhfə verib. Onun sözlərinə görə, Patruşev mütəmadi olaraq Çeçenistana səfər edib.

Bir gün əvvəl Kadırov Moskvada keçirilən görüşdə Rusiya Federasiyasının Baş naziri Mixail Mişustinlə respublikanın sosial-iqtisadi inkişafını müzakirə etdiyini bildirib. Çeçenistan Respublikasının başçısı qeyd edib ki, o və baş nazir əsas vurğunun verilməli olduğu sahələri müəyyən edə biliblər. Onun sözlərinə görə, Mişustin problemli məsələlərin həllində Çeçenistana yardım göstərməyə hazır olduğunu bildirib.

Miri