Yanvarın 29-da "Bakı Medical Plaza”da  leptospiroz xəstəliyindən öldüyü deyilən 18 yaşlı qız Nərdanə Şirvan qızı Tağızadənin son günündə ona müalicə edən həkimi Anestezioloq-reanimatoloq Kamal Quliyev danışıb.

Oxu24.com  xəbər verir ki, həkim Unikal.org-a açıqlamasında deyib ki, mərhum Nərdanə Tağızadə xəstəliyinin 21-ci günündə "Bakı Medical Plaza”ya gətirilib. Burdan əvvəl də 3 xəstəxanada müalicə və müayinə olunub: "Burdan əvvəl sonuncu Azərbaycan Respublikası Səhiyyə Nazirliyinin Elmi Tədqiqat Ağ Ciyər Xəstəlikləri İnstitutunda müalicə alıb.

Ordan Bakı Medical Plaza”ya kəskin ağ ciyər zədələnməsi ilə gəlib. Diaqnozu kəskin "kəskin respirator distres sindromu" olub. Yəni, mərhum bu xəstəlikdən dünyasını dəyişiub. Bura gətiriləndə mərhum çox ağır vəziyyətdə idi. Yəni, T.Tağızadənin vəfat etmək səbəbi budur".

Qeyd edək ki, dünyasını dəyişən Nərdanə Tağızadə Bakı Dövlət Universitetinin Tarix fakültəsinə 600 balla daxil olub. Xəstələnəndən sonra bir müddət müalicə alıb və imtahanlarını verib.

Xatırladaq ki, Respirator disstress sindromu kəskin tənəffüs çatışmazlığı ilə xarakterizə olunan xəstəlikdir. Xəstəlik aşağıdakı əlamətlərlə özünü biruzə verir: - ağciyərlərin müxtəlif kəskin zədələnmələri, - ağciyərlərin qeyri-kardiogen ödemi, - xarici tənəffüsün pozulması, - hipoksiya, - ağciyərdə infiltirasiya.Əksər vaxtlarda bu xəstəliyin müalicəsi xəstəxana şəraitində reanimasion tədbirlərin tətbiqi ilə mümkün olur.

Qeyd edək ki, bununla bağlı məlumatı ilk olaraq BAKU.WS yayıb.



Oxu24.com