Qız heyz halında ikən, onunla kəbin kəsdirmək olarmı? Heyz halında olan qadına talaq vermək olarmı?

İslam alimlərinin rəyinə görə, heyz halında olan qadınla kəbin kəsdirmək olar. Amma əlbəttə ki, zifaf qadının heyzdən pak olmasından sonra baş tutmalıdır. Amma heyzli qadına talaq vermək cəfəri məzhəbində düzgün sayılmır. Talağın düzgün olması üçün qadının heyz və nifasdan pak olması şərtdir.

Oxu24.com bildirir ki, həmçinin, kişi qadınla axırıncı dəfə cinsi yaxınlıq etdikdən sonra qadın növbəti dəfə heyz olub paklanana kimi ona talaq verə bilməz; gözləməlidir ki, qadın heyz görüb təmizlənsin, yalnız bundan sonra ona talaq verməlidir. Əhli-sünnə məzhəbinə görə, heyzli qadına talaq vermək bidət talağı adlanır. Heyzli qadına talaq verən kişi günah qazanmış olur, amma bu cür talaq düzgündür. Oxu24.com