Sosial şəbəkələrdə qeyri-adi "yolka" görüntüləri yayılıb.

OXU24.COM  baku.ws-ə istinadən xəbər verir ki, videodakı şam ağacının üzərində II Qarabağ müharibəsində şəhid olan igidlərimizin fotoları yer alıb.

"Yolka"nı II Fəxri Xiyabanda şəhid İlyasov Fərid İbad oğlunun anası qurub. Şam ağacının üzərində 300-ə yaxın şəhid şəkli var.

Qeyd edək ki, əslən Laçın rayonundan olan 22 yaşlı şəhidimiz İlyasov Fərid Şuşa şəhərində gedən döyüşlər zamanı şəhadətə ucalıb. İgidimiz 2020-ci ilin oktyabrın 30-da II Fəxri Xiyabanda Azərbaycanın Milli Qəhrəmanı Polad Həşimovun qəbri yanında dəfn olunub.