Etiraz aksiyalarında 18 min nəfər iştirak edir

Rusiyanın Berlindəki səfirliyi ABŞ, Rusiya və Almaniya arasında barışıq müqaviləsinin bağlanmasını tələb edən etirazçılar ilə əhatə olunmuşdur.

Oxu24.com Rusiya mətbuatına istinadən verdiyi məlumata görə, etirazçılar böyük güclər arasında danışıqlar tələb edirlər. Nümayişçilər İkinci Dünya Müharibəsindən sonra dünyanın çox dəyişdiyini və "sakit bir dünyada" yaşamaq üçün yeni qaydalarla razılaşmağın vaxtının gəldiyini düşünürlər.

Etirazçılar əllərində Rusiya və Amerika bayraqlarını tutaraq "birlikdə yaşamağa" çağırırlar.

Daha əvvəl Berlində koronavirus məhdudiyyətlərinə qarşı kütləvi etiraz nümayişinin keçirildiyi bildirilmişdi. Alman kansleri Angela Merkelin koronavirusla bağlı siyasi qərarlarından narazı olduqlarını bildirmək üçün minlərlə insan küçələrə çıxdı. Son məlumatlara görə, etiraz aksiyalarında 18 min nəfər iştirak edir.

Amerika səfirliyinin etirazların olduğu rayonda yerləşdiyi üçün artıq gücləndirilmiş təhlükəsizlik altına alındığı bildirilir.