FHN Qazaxdakı hadisə ilə bağlı məlumat yaydı - YENİLƏNDİ

Fövqəladə Hallar Nazirliyi bu gün Qazax rayonunda baş verən ağır yol qəzası ilə bağlı məlumat yayıb.

Oxu24.com nazirliyə istinadən xəbər verir ki, Böhran Vəziyyətlərində İdarəetmə Mərkəzinə daxil olan məlumata əsasən, Qazax rayonunda “ВАЗ” markalı minik avtomobili yol kənarındakı ağaca çırpılıb. Hadisə yerinə cəlb olunan Dövlət Yanğından Mühafizə Xidmətinin müvafiq xilasetmə qüvvələri sıxılı vəziyyətdə qalan 1 nəfəri deformasiyaya uğrayan nəqliyyat vasitəsindən çıxarıb və aidiyyəti üzrə təhvil veriblər.

*****

16:28

Qazax rayonunda baş verən ağır yol-nəqliyyat hadisəsi zamanı xəsarət alan şəxslərdən ikisinin şəxsiyyəti məlum olub.

“VAZ” markalı avtomobilin dərəyə aşması nəticəsində Çaylı kənd sakini, 1989-cu il təvəllüdlü Əzəmət Qapaqov və Fərid Bənnayev xəsarət alıblar.

Digər yaralanın şəxsiyyəti müəyyənləşdirilir.

Yaralılardan ikisinin vəziyyəti ağırdır. Faktla bağlı araşdırma aparılır. (report)

xxx

Qazax rayonunda üç nəfərin xəsarət alması ilə nəticələnən yol qəzası baş verib.

Hadisə rayonun Çaylı kənd yolunda qeydə alınıb.

Belə ki, “VAZ” markalı avtomobil idarəetmədən çıxaraq dərəyə aşıb.

Qəza nəticəsində üç nəfər müxtəlif bədən xəsarətləri alıb.

Onlar Qazax Müalicə-Diaqnostika Mərkəzinə aparılıblar. Yaralılardan ikisinin vəziyyətinin ağır olduğu bildirilir. Hazırda onların şəxsiyyəti dəqiqləşdirilir.

Hadisənin təfərrüatları araşdırılır.