Koronavirusla mübarizə aparan dünyadan ŞOK GÖRÜNTÜLƏR-FOTO/VİDEO

Dünya koronavirusun yayılması ilə mübarizə apararkən, Reuters xəbər agentliyinin Latın Amerikası ölkəsi olan El-Salvadorun paytaxt şəhərində çəkdiyi fotolar dünyanı şoka salıb.

Sonxeber.az xəbər verir ki, Mərkəzi Amerika ölkəsi olan El-Salvadorun paytaxtı San-Salvadorun şimal-qərbindəki İzalco həbsxanasında çəkilən bu görüntülər Reuters agentliyi tərəfindən paylaşılıb.

El-Salvador prezidenti Nayib Bukele qeyd edib ki, ölkədə bir gündə 22 cinayət hadisəsi baş verib. Nayib Bukele, dəstə liderlərinin dəmir barmaqlıqlar arxasında ölüm əmrini verməsindən sonra məhbusların təkadamlıq xüsusi cəza rejimli otaqlara yerləşdiriləcəyi ilə bağlı əmr imzalayıb.

Prezident Bukele polisin cinayətləri araşdırarkən maksimum təcili tədbirlərinin tətbiq olunduğunu əlavə edib. Ötən ilin iyununda vəzifəyə başladığı gündən bu günə qədər ölkədə törədilən ən yüksək tək günlük cinayət sayı olduğunu deyib.

Bukele Twitterdə paylaşdığı mesajda yazıb: "Xarici dünya ilə heç bir əlaqəyə icazə yoxdur. Mağazalar bağlı qalacaq və növbəti elana qədər bütün fəaliyyətlər dayandırılacaq. Şəbəkə liderləri həbsdə təkadamlıq kameralarda saxlanılacaq" deyib.

Birləşmiş Millətlər Təşkilatının Narkotiklər və Cinayətkarlıq İdarəsinin hesabatına əsasən Mərkəzi Amerika ölkəsi olan Salvadorun 100 min 62 ölüm cinayəti ilə Latın Amerikasında ən çox cinayət hadisəsi baş verən ölkə olduğunu açıqlayıb.

Qeyd edək ki, El-Salvadorda koronavirusa yoluxma 298, epidemiya səbəbiylə ölkədə ölüm sayı isə 8 nəfər olub.