Quzanlının görkəmli şəxsiyyətləri -Professor Qulu Xəlilliyə dərs demiş Əfqan Məmmədov  

Quzanlının görkəmli şəxsiyyətləri -Professor Qulu Xəlilliyə dərs demiş Əfqan Məmmədov

Oxu24.com xəbər verir ki,Əfqan Məmmədov 1926-cı ildə Quzanlıda doğulub. Atası Qafqaz İslam Ordusunun əsgəri olmuş Salman Həllacdır.

2 illik Ağdam Müəllimlər İnstitutunu, sonra Azərbaycan Pedaqoji İstitutunun (indiki ADPU) Azərbaycan dili və ədəbiyyatı fakültəsini fərqlənmə diplomu ilə bitirib.

Əmək fəaliyyətinə 1940- cı illərin əvvəllərindən Ağcabədidə başlayıb. Rayonun müxtəlif kəndlərində, o cümlədən Qaravəlli, Salmanbəyli, Poladlı, Sarlcalı müəllim işləyib.

Sarıcalı kəndində uzun müddət orta məktəbdə tədris işləri üzrə direktor müavini, gecə məktəbində isə direktor müavini vəzifəsində çalışıb.

1964- cü ildən Ağdam rayonunun İmamqulubəyli kənd səkkizillik məktəbində, bir neçə ildən sonra, ömrünün sonuna qədər Quzanlı kənd səkkizillik məktəbində tədris işləri üzrə direktor müavini olub.

Oğlu Fəsli Məmmədov deyir ki, Ağcabədi rayonun Salmanbəyli kəndində yaşlı nəslin nümayəndələri Əfqan müəllimi dərin minnətdarlıqla xatırlayır, onun olduqca savadlı pedaqoq olduğunu söyləyirlər: "Sarıcalı kəndindən görüşdüyüm çox adamlardan da bu barədə eşitmişəm. Atam mərhum yazıçımız Qulu Xəlilova da dərs deyib. 1978- cı ildə mən ali məktəbə qəbul imtahanları verən müddətdə müvəqqəti kirayə qaldığım həyət evindən Qulu Xəlilovun çıxdığını gördüm. Sən demə bu ev onun bacısı evi imiş! 

Ev sahibəsinə dedim ki, orta məktəbdə mənim atam onun müəllimi olub! Səhəri gün Qulu müəllim gəldi və məni çağırıb kimliyimi soruşduqdan sonra dedi ki,  sənin atan  Azərbaycan ədəbiyyatını və dilini o gözəl tədris edib mənə sevdirdi ki, mən filoloq olmağa qərar verdim! 

Bu günlərdə kəndimizin görkəmli ziyalısı, dəyərli insan, respublikada uzun müddət məhkəmə orqanlarında çalışmış hörmətli Əsəd Mirzalıyevdən də atam haqqında çox ehtiramla xatırlanma mesajı aldım".

Ağdam təhsil şöbəsində Əfqan müəllimin peşəkarlığı, pedaqoji xidmətləri rəhbərlik və ümumən kollektiv tərəfindən yüksək qiymətləndirilib və indi də tanıyanlar tərəfindən ehtiramla anılmaqdadır.

Əfqan müəllim Faiq Abdullaoğlunun dayısı, politoloq Nəsimi Məmmədlinin əmisidir. Bakı toylarında məşhur olmuş istedadlı meyxanaçı Nofəl Ağdamlı onun oğul nəvəsidir.

Əfqan Məmmədov 1980-cı ilin  senyabrın  26-da vəfat edib. Məzarı Quzanlı qəbristanlığındadır.

Müəllif: Elman Cəfərli

Həmçinin oxuyun

Türkiyədən gələn bu hərəkətlərin qarşısı alınmalıdır   —  POLİTOLOQLA MÜZAKİRƏ

Hicablı xanımlar işdən ÇIXARILIR? - AÇIQLAMA GƏLDİ 

Məktəbli formaları ilə bağlı BƏYANAT YAYILDI

Aygün Kazımovadan məktəbli formaları ilə bağlı AÇIQLAMA