Dəniz sularında görünməyən təhlükə! Həkimlər XƏBƏRDARLIQ edir

Yay mövsümünün gəlişi və havaların isti keçməsi ilə yüzlərlə insan, xüsusilə də uşaqlı ailələr sərinlənmək üçün çimərliyə üz tutur. Lakin istirahət məqsədilə seçilən hər çimərlik sağlamlıq baxımından təhlükəsiz olmaya bilər. Azərbaycanda bəzi ərazilərdə dəniz suyunun çirklənməsi ilə bağlı aidiyyatı qurumlar mütəmadi məlumat yayır və həmin ərazidən istifadə etməməyi məsləhət görürlər. Çünki dənizin çirklənməsi uşaqlar və böyüklər üçün müxtəlif sağlamlıq riskləri yaradır.

Son günlər həkimlər də sosial şəbəkələrdə paylaşdıqları məlumatlarda müxtəlif infeksiyalara yoluxmuş uşaqların sayında artım müşahidə olunduğunu bildirirlər. Bu artımın yay mövsümü, isti hava şəraiti ilə yanaşı, bəzi hallarda çirkli sularda çimməklə də əlaqəli ola biləcəyini qeyd edirlər.

Çirkli dəniz suyu hansı infeksiyaların yayılmasına səbəb ola bilər?

Oxu24.com  xəbər verir ki, mövzuya münasibət bildirən həkim-pediatr Vaqif Qarayev Bizim.Media-ya bildirdi ki, virus və bakteriyalarla çirklənmiş dəniz suyundan ciddi yoluxmalar mümkündür:

“Çirkli dəniz suyunda rotaviruslar, bağırsaq infeksiyaları törədən bakteriyalar var. Bunların olduğu yerlərdə yoluxma halları qaçılmazdır. Bu infeksiyalara yoluxan uşaqlarda qusma, ishal, yüksək temperatur müşahidə olunur. Qızdırma, qusma, ishalın səbəbinin məhz virus və ya bakteriya olduğunu həkim müəyyən etməlidir. Ona görə də kiçik yaşlı uşaqların valideynləri dərhal həkimə müraciət etməlidir. Çünki qusma və ishalla onlar maye itirirlər, bunun nəticəsində orqanizm suzuzlaşa və ağır fəsadlar törədə bilər”.

Bəzi insanlar xəbərdarlıqlara məhəl qoymurlar

Həkim insanları çirklənmiş dəniz sularından uzaq durmağa səsləyib:

“Aidiyyəti qurumların açıqlamalarına diqqət yetirmək vacibdir. Həmin qurumlar dəniz suyunun çirkli olduğu və çimməyin qadağan edildiyi ərazilər barədə mütəmadi olaraq məlumat verir, xəbərdarlıq edirlər. Amma bəzi insanlar bu xəbərdarlıqlara məhəl qoymadan həmin ərazilərdə çimməyə davam edirlər."

Həmçinin oxuyun

Köçəryanı həbs edən Paşinyan nəyə hazırlaşır? — Azərbaycanlı politoloq şok faktları AÇIQLADI

SON DƏQİQƏ! Yüksək vəzifələrə təyinatlar baş tutdu

Rusiyaya gedəcəyəm, hünəri varsa qarşıma çıxsın —  Sevinc- Afət müharibəsi alovlandı  

Prezident TƏSDİQLƏDİ: 70 MANAT OLDU