Azərbaycan bu ölkə ilə anlaşdı: Ölkəmizə hansı faydaları OLACAQ? — AÇIQLAMA

Azərbaycan idmanında və xarici siyasətində növbəti mühüm mərhələyə qədəm qoyur. Ölkəmiz Avropa məkanında və beynəlxalq arenada mövqelərini maksimum dərəcədə gücləndirməkdə davam edir.

 Azərbaycan və Serbiya arasında idman sahəsində əməkdaşlığın inkişafı istiqamətində növbəti mühüm və strateji əhəmiyyətli rəsmi görüş keçirilib. Yüksək səviyyəli bu görüşdə tərəflər arasında idmanın gələcək inkişafı, qarşılıqlı təcrübə mübadiləsi, birgə irimiqyaslı layihələrin icrası və qlobal idman platformalarında birgə fəaliyyətin genişləndirilməsi məsələləri masaya yatırılıb. İki dövlət arasında idman sahəsində atılan bu addım həm ekspertlər, həm də analitiklər tərəfindən yüksək qiymətləndirilir.

Mövzu ilə bağlı Oxu24.com-a açıqlama verən politoloq Azad Məsiyev bu strateji görüşün pərdəarxası məqamlarını, gətirdiyi mühüm dividendləri və Azərbaycan üçün yaradacağı unikal fürsətləri xırda detallarına qədər izah edib. 

Azərbaycanın beynəlxalq arenada özünü tanıtmaq strategiyası: “İdman ən güclü silahdır”!

Politoloq Azad Məsiyev açıqlamasında bildirib ki, Azərbaycan müstəqilliyini elan etdikdən sonra beynəlxalq aləmdə özünü layiqincə tanıtmaq və qəbul etdirmək üçün çoxşaxəli bir strategiya yürüdür. O qeyd edir ki, dövlətin bu xarici siyasət kursu tək bir istiqamətlə məhdudlaşmır:

“Azərbaycan müstəqillik qazandıqdan sonra beynəlxalq aləmdə tanınmaq üçün həm siyasi sahədə, həm iqtisadi sahədə, həm mədəniyyət, istərsə də idman sahəsində öz fəaliyyətini durmadan genişləndirir. Ümumiyyətlə, bir dövlətin dünyada sürətlə tanınması və qəbul edilməsi üçün idmanın xüsusi və əvəzedilməz rolu var. İdman sadəcə fiziki yarış deyil, dövlətlərin qlobal arenada öz gücünü, sivil inkişafını və potensialını nümayiş etdirmək üçün ən dinamik və vizual platformadır”.

Çox maraqlı və dərin bir fəlsəfi yanaşma ortaya qoyun Azad Məsiyev, bir ölkənin rəsmi rəmzi olan dövlət bayrağının dünyada ucaldılmasının ali statusunu şərh edib. O, idmançıların missiyasını birbaşa Azərbaycan Prezidentinin  diplomatik addımlarının doğurduğu rəsmi effektlə eyni tərəziyə qoyub:

“Diqqət yetirsəniz görərsiniz ki, bir dövlətin müqəddəs bayrağı dünyada bütövlükdə cəmi iki halda ucaldılır, yüksəyə qaldırılır. Birincisi, ölkə Prezidentinin başqa bir xarici dövlətə rəsmi və ya işgüzar səfərləri zamanı diplomatik protokol qaydası olaraq dövlət rəmzimiz ucaldılır. İkincisi isə, idmançılarımız beynəlxalq arenalarda, olimpiadalarda, dünya çempionatlarında qalib olduqları zaman təmsil etdikləri dövlətin bayrağını yüksəyə qaldırırlar.

Bu, o deməkdir ki, dövlətin tanınmasında və nüfuzunun artmasında idmançıların rolu birbaşa ali dövlət rəhbərliyinin diplomatik uğurları ilə eyni status daşıyır. Azərbaycan məhz bu mühüm faktoru əsas götürərək idman sahəsində də fəaliyyətini genişləndirir, beynəlxalq xarici dövlətlərin qabaqcıl təcrübəsindən bəhrələnir və tərəfdaşlıq əlaqələrini dərinləşdirir”.

Azərbaycan və Serbiya arasındakı münasibətlərin sıradan bir tərəfdaşlıq olmadığını, iki ölkə arasında çox güclü siyasi və iqtisadi təməllərin mövcudluğunu xatırladan politoloq, keçirilən son idman görüşünün də məhz bu möhkəm platforma üzərində qurulduğunu vurğulayıb:

“Bu gün Azərbaycanla Serbiya arasında münasibətlər həm iqtisadi, həm də siyasi sahədə ən yüksək səviyyədə inkişaf etməkdədir. Biz Serbiya rəhbərliyinin Azərbaycana etdiyi rəsmi səfərləri, ölkəmiz, dövlətimiz barəsində mətbuatda, kütləvi informasiya vasitələrində geniş yer alan çox müsbət və dostyana çıxışlarının hər birimiz şahidi olmuşuq. İki ölkə arasında dostluq və tərəfdaşlıq əlaqələri siyasi-iqtisadi sferada böyük bir yüksəliş xətti ilə gedir. Hesab edirəm ki, bu güclü münasibətlərin idman sahəsinə də daşınması, idman sahəsindəki əməkdaşlıq hər iki dövlətin maraqlarına tam cavab verir və bu əlaqələrin daha da yaxşılaşmasına, möhkəmlənməsinə birbaşa gətirib çıxaracaq”.

Sonda Serbiya ilə idman sahəsində qurulan əlaqələrin konkret dividendlərinə toxunan Azad Məsiyev, bu əməkdaşlığın ölkəmiz üçün unikal bir qapı açdığını bildirib:

“Azərbaycan idmanda qapalı bir sistem deyil, biz hər zaman qabaqcıl dövlətlərlə qarşılıqlı təcrübə, bilik və metodologiya mübadiləsi aparırıq. Serbiya Avropanın idman nəhənglərindən biridir. Bu baxımdan, Serbiya ilə idman layihələrinin genişləndirilməsi çox böyük strateji əhəmiyyət daşıyır. Xüsusilə də mən düşünürəm ki, bu əməkdaşlıq Azərbaycan idmanı üçün, gənc idmançılarımız üçün çox yaxşı, unikal bir fürsətdir.

Ümumilikdə götürdükdə, Azərbaycanın Avropada olan dövlətlərlə, o cümlədən Serbiya ilə idman sahəsindəki əməkdaşlığı bizim çox marağımızdadır. Çünki bu əməkdaşlıq Azərbaycan dövlətinin beynəlxalq aləmdəki müsbət imicinin daha da möhkəmlənməsinə, ölkəmizin dünyada daha da geniş tanınmasına çox böyük və ciddi töhfələr verəcək”,-deyə politoloq fikrini tamamlayıb. 

Çimnaz Telmanqızı

Həmçinin oxuyun

Avqustda 10 gün iş olmayacaq 

Rəis vəzifəsindən AZAD EDİLDİ

Əhaliyə MÜJDƏ:Prezident imzaladı:Yeni proqram hazırlanacaq

İlham Əliyev FƏRMAN İMZALADI:Üç ay müddətində...