1066 kilometrlik xəttin taleyi necə olacaq? — Azərbaycanla Ermənistan arasında qərar verilməli olan MƏSƏLƏ

SƏRHƏDDƏ KRİTİK GÖZLƏNTİ: 1066 kilometrlik xəttin taleyi necə olacaq? – Ermənistandakı seçkilər hər şeyi poza bilər!

Azərbaycan və Ermənistan arasında illərdir davam edən sərhəd mübahisələrində konkret rəqəmlər və faktlar ön plana çıxmağa başlayıb. Hazırkı vəziyyət və delimitasiya prosesinin gedişatı ilə bağlı əsas göstəricilər aşağıdakı kimidir:

-Azərbaycan və Ermənistan arasındakı dövlət sərhədinin ümumi uzunluğu 1066 km təşkil edir.

-Bu günə qədər aparılan işlər nəticəsində sərhədin yalnız 13 km-i (təxminən 1.2%-i) delimitasiya və demarkasiya olunub.

-İddialara görə, bu proses çərçivəsində təxminən 5,9 kv.km ərazi Azərbaycanın, 0,5 kv.km-dən az ərazi isə Ermənistanın nəzarətinə keçib.

Bu rəqəmlər göstərir ki, hələ görülməli olan işlərin böyük hissəsi (təxminən 1053 km) qarşıdadır.

Politoloq Məhəmməd Əsədullazadə: "Proses 10-15 il çəkə bilər"

Mövzu ilə bağlı Oxu24.com-a danışan politoloq Məhəmməd Əsədullazadə, sərhədlərin müəyyənləşməsi prosesinin həm texniki, həm də siyasi tərəflərini şərh edib.

Sülh sazişi və daxili siyasətin təsiri

Politoloq qeyd edir ki, delimitasiyanın sürətlənməsi Ermənistandakı seçkilərdən və imzalanacaq sülh sazişindən birbaşa asılıdır:

"Hesab edirəm ki, bu proses Azərbaycan və Ermənistan arasında yekun sülh müqaviləsindən sonra tam sürət ala bilər. Xüsusilə Ermənistanda keçiriləcək parlament seçkilərinin nəticəsi həlledicidir. Əgər Nikol Paşinyan qalib gəlsə, proses davam edəcək, lakin revanşistlər gələrsə, komissiyaların fəaliyyəti sual altına düşə bilər”.

Məhəmməd Əsədullazadənin fikrincə, cəmiyyət bu prosesin tez bitəcəyini gözləməməlidir:

“Sülh müqaviləsi bağlansa belə, bütün sərhəd xətti boyunca delimitasiya işlərinin tamamlanması 10 və ya 15 il çəkə bilər. Hazırda hər iki tərəfin komissiyaları işini dayandırmayıb, ərazidə dəqiqləşdirmələr və koordinatların müəyyən edilməsi davam edir. 

Ermənistanın bəzi məsələlərdə qəti qərar verə bilməməsi daxili siyasi gərginliklərlə bağlıdır, lakin prosesin aktuallığı hər iki tərəf üçün qüvvəsində qalır”,-deyə politoloq fikrini tamamlayıb. 

Çimnaz Telmanqızı

Həmçinin oxuyun

SON DƏQİQƏ!Mehdiyevin ailəsində faciə:Ölən var

15 milyard dollarlıq hədəf: Türkiyə və Azərbaycan ticarətdə yeni mərhələyə keçir—EKSPERTLƏRDƏN ŞƏRH  

SON DƏQİQƏ! Daşqın və sellə bağlı XƏBƏRDARLIQ

SON DƏQİQƏ! Prezidentin köməkçisi tapşırıq verdi: Bu məsələ araşdırılır