CV-ni necə hazırlayaq ki,bizi tez işə götürsünlər?   —  VACİB MƏQAM

Müasir dünyada işə qəbul üçün ilkin şərt CV-dir. 

Yəni sizə uyğun olduğunu düşündüyünüz işin vakaniyası ilə bağlı öz CV-nizi göndərirsiniz. Əgər həmin yerdəki mütəxəssislər doğru namizəd olduğunzu düşünürsə sizi dəvət edirlər. Əslində, əsas məsələ də məhz CV-yə baxılan zaman yaranan ilkin təəssüratdır. Çünki CV yaxşı hazırlanmasa və məlumatlar dolğun olmasa qarşı tərəfin diqqətini çəkməyəcək. Lakin kifayət qədər peşəkar hazırlanan CV ilə diqqət çəkmək və işə qəbul olmaq ehtimalınız artır.

Bəs vakansiyalara müraciət edərkən nələrə diqqət etməliyik? Müsbət cavab almaq üçün CV-miz necə olmalıdır?

Oxu24.com xəbər verir  ki,mövzu ilə bağlı insan resursları və işə qəbul üzrə mütəxəssis Sevda Quliyeva Hit.az-a açıqlamasında bildirib ki, ilk növbədə vakansiyanın tələblərinə baxmaq lazımdır:

Həmçinin oxuyun

Metroda "yayxanaraq" oturanlar neçə gün həbs OLUNACAQ?  —  MÜZAKİRƏ

Uşaqları kim müalicə edəcək?   —  Həqiqətən də yeganə uşaq radioloqu Asif Nəsirli idi?

Prezidentin Fərmanı bu şəxslərə də ŞAMİL OLUNACAQMI?  —  AÇIQLAMA 

XƏBƏRDARLIQ! 8 may saat 22:00-dan 9 may saat 23:00-dək 

“Əgər bütün tələblər sizə uyğun olsa müraciət etməlisiniz. Yəni hara gəldi CV göndərmək artıq namizəd haqqında mənfi rəy formalaşdırır. Xüsusən də bir şirkətdə 5-6 vakansiyaya müraciət etmək doğru deyil. Çünki insan resursları şöbəsinin əməkdaşları müraciətlər haqqında bir-birlərinə məlumat verirlər. Eyni şəxsin bir neçə vakansiya üçün müraciət etməsi onun haqqında mənfi rəy formalaşdırır, hətta həmin CV-yə baxılmır”.

Həmsöhbətimiz diqqətə çatdırıb ki, vakansiya ilə bağlı təcrübəniz varsa müraciət etməlisiniz: 

“Çünki vakansiyalarda tələblər kifayət qədər aydın yazılır. Məsələn, dil bilikləri, təcrübə və gözləntilər orada qeyd olunur. Tələblərə uyğun gəlmədən boş-boşuna müraciət etmək və ya getmək kiminsə vaxtını almaq deməkdir. Mümkünsə müraciət etmədən əvvəl işlə bağlı maraqlanmaq lazımdır”.

Ekspert qeyd edib ki, CV kifayət qədər peşəkar olmalıdır:

“CV-də real təcrübə əks olunmalıdır. Real təcrübə də onun peşəkar xidməti haqqında rəy verdiyi üçün iş həyatında da doğrudan özünü sübut etmiş bir şəxs olmalıdır. 2-3 ay fərqli yerlərdə işləyən şəxslərə müsbət baxılmır.

Bundan başqa, özünüz haqqında qısa, amma dolğun məlumatları yazmalısınız. Müraciət edərkən hədəflədiyiniz vəzifənin adını da mütləq şəkildə qeyd etməlisiniz. Əgər CV-nizdə hər şey qaydasında və tələblərə də cavab verirsinizsə işə götürülmə ehtimalınız böyük olacaq”.