Kvadrat formasında olan dalğalar nəyin xəbərçisidir? - Ekoloqdan AÇIQLAMA

Sosial şəbəkələrdə yayılan bir dəniz videosu geniş marağa səbəb olub. Kadrlarda dəniz dalğalarının qeyri-adi şəkildə kvadrat forması alması müşahidə edilir. Bu görüntü bir çox istifadəçi tərəfindən təəccüblə qarşılanıb. Bəzi paylaşımlarda isə iddia olunur ki, belə dalğalar zəlzələ və ya digər təbii fəlakətlərin xəbərçisi ola bilər. Lakin mütəxəssislər bu cür hadisələrin adətən atmosfer və külək şəraitinin dəyişməsi nəticəsində yarandığını bildirir və bunun fövqəltəbii və ya fəlakət göstəricisi kimi qiymətləndirilməsinin elmi əsası olmadığını vurğulayırlar.

Oxu24.com mövzu ilə bağlı Redaktor.az-a açıqlamasında ekoloq Ənvər Əliyev bildirdi ki, bu barədə elmə məlum olan bir səbəb bilmir:

Həmçinin oxuyun

Prezident  TƏSDİQLƏDİ: 600 manatadək cəriməsi var

Dünya nəhənglərinin siyahısı AÇIQLANDI: Azərbaycan bu sırada qərarlaşıb   

Azərbaycan hərb tarixində daha bir YENİLİK: Türkiyə ilə birlikdə bu addım atılacaq

Mətbuatın fəaliyyətində  Dövlət dəstəyinin rolu —   TƏHLİL 

"Əlimdə belə bir məlumat yoxdur. Əgər bu cür halda zəlzələlər olubsa, halbuki orada “zəlzələ” deyilmir, 4 baldan aşağı olan titrəyişlər adətən kiçik seysmik hərəkətlər kimi qiymətləndirilir, bu səviyyədə hadisələrin böyük təsir göstərməsi ehtimalı azdır. Mənə elə gəlir ki, bu, başqa səbəblərdən də qaynaqlana bilər. Ola bilsin ki, səbəb tamamilə fərqlidir. Doğrusu, bu mövzuda tədqiqat aparmamışam və elmi mənbələrdə də bu barədə aydın məlumatlara rast gəlməmişəm. Ona görə də bu barədə dəqiq fikir bildirməkdə çətinlik çəkirəm. Ümumi olaraq götürsək, Xəzər dənizində zəlzələlərin baş verməsi və bunun hər hansı formada heyvanat aləminə təsiri mümkündür. Keçmişdə bəzi hallarda zəhərli qazların və ya təbii proseslərin müəyyən canlı qruplarına təsir göstərdiyi barədə məlumatlar olub. Bunu dəqiqləşdirmək olar. Eyni zamanda, ehtimal etmək olar ki, dənizin üst qatlarında yaranan kiçik seysmik dəyişikliklər dalğalanmalara müəyyən təsir göstərə bilər. Amma bu barədə qəti fikir söyləmək mümkün deyil. Hətta nəzəri olaraq bu hadisənin süni intellekt və ya texnoloji təsir nəticəsində olması ehtimalı da irəli sürülə bilər, amma bu da yalnız ehtimal səviyyəsində qalır və elmi əsas olmadan qəti nəticə çıxarmaq düzgün olmaz".