Böyük sponsorlar getdi: Televizya işçiləri maaş böhranı yaşaya BİLƏRMİ?   —   AÇIQLAMA

Efirdən uzaqlaşdırılan aparıcılar...Sponsorlar da əməkdaşlığı dayandırdı...

Aparıcı Elgiz Əkbər artıq ARB televiziyası ilə yollarını rəsmən ayırıb, kollektivlə xudahafizləşib. Aparıcının ARB-dən ayrılmasından sonra onun cəlb etdiyi sponsorlar da artıq kanalla əməkdaşlığını dayandırdığını bildirib.

Qeyd edək ki, həftə içi hər gün yayımlanan "Elgizlə izlə" verilişi bir həftədir fəaliyyətini dayandırıb. Xatırladaq ki, bir neçə gün əvvəl aparıcı Tarix Əliyevin "Tarixin bir günü" verilişi də bağlanmışdı.Sözügedən verilişin də kifayət qədər sponsoru var idi.Onların da aparıcı ilə birlikdə kanalı tərk etdiyi bildirilir.

Bəzi TV verilişləri, şou proqramlar, idman yayımları – bütün bu məzmunların hazırlanması və yayımlanması ciddi maliyyə vəsaiti tələb edir. Məhz bu səbəbdən televiziyalar fəaliyyətlərini davam etdirmək üçün əsasən reklamlardan əldə etdikləri gəlirlərə güvənirlər. Adlarını qeyd etdiyimiz aparıcıların efirlərdən uzaqlaşması həmçinin ciddi reklam itkisi ola bilər.

Belə olan halda TV-lər hər hansı bir maddi problemlərlə üzləşə bilərlərmi?Televiziya işçilərini maaş böhranı gözləyə bilərmi?

Professor, televiziya tənqidçisi və media eksperti Qulu Məhərrəmli Oxu24.com-a açıqlamasında bildirib ki, istənilən televiziya kanalları üçün, xüsusilə də kommersiya TV-ləri üçün aparıcı yetişdirmək və daha sonra populyarlığı olan aparıcıları itirmək bəzi problemləri yarada bilir:

Həmçinin oxuyun

SON DƏQİQƏ! Zəlzələ oldu

Bu şəxslərə sosial yardım VERİLƏCƏK - ŞƏRTLƏR

Bu şəxslərin pensiyası övladına veriləcək   

Aldığınız mal xarab çıxsa, pulunuz necə geri qaytarılmalıdır? – Qanunvericilikdə VACİB MƏQAMLAR  

"Bu durum eyni zamanda TV-lər üçün auditoriya və reklam cəlb etmək problemini, sponsorlarla bağlı maddi itkiləri yarada bilir. Lakin bu proseslər gözlənilməz deyil. Zaman-zaman TV-lərdə belə problemlər olub, aparıcılar uzaqlaşıb, sponsorlar dəyişib, yaxud bir kanaldan başqa kanala gedən aparıcı özü ilə sponsorları da aparıb. Yəni TV-lərimizdə bu sistem belə formalaşıb. Əlbəttə ki, bu mənada özəl TV rəhbərlərinin problemlərini başa düşmək olur. Lakin hər şeyin bir düsturu, formulu var. Özəl TV-lər üçün də populyar verilişlər, yaxşı aparıcılar cəlb etmək bir zərurətdir. Düzdür, bunları yetişdirmək çox çətindir, amma mümkündür".

Professor hesab edir ki, bəzi özəl televiziyalarımız, hətta aparıcılarını itirən TV-lərin yaxşı format, layihə təklif etmək və onu reallaşdırmaq imkanları var:

"Bu, müəyyən zaman tələb etsə də, həll oluna bilən məsələdir. Maliyyə siyasətini təkcə aparıcıların üzərində formalaşdırmaq belə situasiyalarda ciddi problem yaradır. Ona görə də TV-lər özlərinə xas olan bir sistem qurmalı, müəyyən layihələr yaratmalıdırlar ki, problemlər yaşananda maliyyə böhranlarından rahatlıqla çıxa bilsinlər".

Yeganə