Tələbələrə olunacaq güzəştlərin detalları AÇIQLANDI: Təkcə nəqliyyatda deyil...

Tələbələr üçün güzəşt!İctimai nəqliyyatda endirim ediləcək...

İctimai nəqliyyatda tələbələr üçün endirim tətbiq ediləcək. Belə ki, gələcəkdə TələbəPlus kartı vasitəsilə tələbələrə nəqliyyatda 10 faiz endirim olacaq. Bu barədə Elm və Təhsil nazirinin müavini Kənan Kərimzadə jurnalistlərə açıqlama verib.

K.Kərimzadə hazırda 160 minə yaxın tələbənin artıq bu kartdan faydalandığını və ictimaiyyətə yaxın zamanda ətraflı məlumat veriləcəyini vurğulayıb. Beləliklə, tələbələrin nəqliyyat xərclərini azaltmağa yönələn bu yenilik, gənclərin gündəlik həyatını daha da asanlaşdıracaq.

Güzəştlər yalnız ictimai nəqliyyata aid deyil...

Tələbələrə edilən güzəştlər barədə Oxu24.com-a açıqlama verən təhsil üzrə ekspert Elçin Əfəndi bildirib ki, bu kartlarda nəzərdə tutulan müvafiq güzəştlər təkcə ictimai nəqliyyatda deyil, iaşə obyektləri, əyləncə, qida və digər istiqamətləri də əhatə edir:

Həmçinin oxuyun

Ailə başçısını itirməyə görə pensiya almaq istəyənlərin NƏZƏRİNƏ!

Kimlər əlilliyə görə əmək pensiyası ala bilər? - AÇIQLAMA 

İldırım mövsümü BAŞLADI: Sağ qalmaq üçün bu şərtlərə əməl edin!

4 mayda bizi nələr gözləyir?   —  BÜRCLƏR

“Hazırda ictimai nəqliyyatda 10 faiz endirimin tətbiq olunması olduqca əhəmiyyətli addımdır. Məlumdur ki, tələbələr daha çox ictimai nəqliyyatdan istifadə edirlər. Bu baxımdan, onların istər yerüstü, istərsə də yeraltı ictimai nəqliyyata daha çox vəsait xərcləmələrinin qarşısını almaq təqdirəlayiqdir.

Eyni zamanda, yaxşı olar ki, tələbələrin ehtiyacı olan kitabları əldə etmələri üçün güzəştlər tətbiq olunsun. Məsələn, Təhsilin İnkişafı Fondu kitab mağazaları ilə müəyyən saziş bağlaya bilər. Həmin sazişə əsasən, TələbəPlus kartlarının endirimləri ilə kitab alışında da endirim qazana bilərlər”.

Dünya təcrübəsi nə deyir?

Eksert sözügedən məsələ ilə bağlı dünya təcrübəsini də diqqətə çatdırıb:

“Xarici təcrübədə tələbələrə müvafiq kartlar verilir, həmin kartlarda nəqliyyatdan istifadə zamanı 1 ay ərzində 30 gediş təqdim olunub və bu gedişlər pulsuzdur. 30-dan artıq gediş olduqda isə tələbələr ödəniş etməlidirlər. Düşünürəm ki, eyni prinsipi bizdə də tətbiq etmək olar. Yəni, ay ərzində ictimai nəqliyyatdan istifadə etmək üçün tələbə hər həftə 5 gün dərsə gedirsə, təxminən 20 gediş və qayıdışı nəzərə alsaq, 40 gedişi pulsuz təmin etmək olar. Yaxud da kitab mağazalarında hər aldıqları 3 kitabdan sonra növbəti kitab pulsuz əldə edilə bilər. Bu təcrübə Avropa ölkələrində də var. Fikrimcə, ölkəmizə həmin təcrübələrdən istifadə təhsil alanların sosial rifahının yaxşılaşdırılması baxımından mühüm addım ola bilər”.

Yeganə