Hərbi xidmətlə bağlı MÜHÜM dəyişikliklər 

Parlementdə “Hərbi vəzifə və hərbi xidmət haqqında” Əsasnamə və digər qanun layihələri ilə bağlı müzakirələr aparılıb. Milli Məclisin Müdafiə, təhlükəsizlik və korrupsiya ilə mübarizə komitəsinin sədri Arzu Nağıyev plenar iclasda çıxış edərək layihə barədə məlumat verib.

Oxu24.com-un  məlumatına görə, komitə sədri bildirib ki, bu Qanun layihəsində Azərbaycan Respublikasının qanunvericilik sisteminin təkmilləşdirilməsi və mövcud idarəetmə strukturuna uyğunlaşdırılması məqsədilə qeyd olunan qanunlarda müvafiq dəyişikliklərin edilməsi nəzərdə tutulur.

Komitənin profilinə uyğun olaraq bir neçə qanun və əsasnamədə dəyişiklik edilməsi nəzərdə tutulub: “Belə ki, 2011-ci il 23 dekabr tarixli “Hərbi vəzifə və hərbi xidmət haqqında” Azərbaycan Respublikasının Qanununun qüvvəyə minməsinə qədər hərbi komissarlıqlar bilavasitə Müdafiə Nazirliyinin strukturunda fəaliyyət göstərirdi. “Hərbi vəzifə və hərbi xidmət haqqında” qanunun qüvvəyə minməsi ilə əlaqədar həmin Qanunun tətbiqinin təmin edilməsi, müvafiq sahədə idarəetmə strukturunun təkmilləşdirilməsi, onun müasir tələblərə uyğun qurulması məqsədi ilə Azərbaycan Respublikası Müdafiə Nazirliyinin tabeliyində olan Azərbaycan Respublikasının Hərbi Komissarlığı, Naxçıvan Muxtar Respublikasının Hərbi Komissarlığı, rayon, şəhər, şəhər rayonu hərbi komissarlıqları ləğv edilmiş və onların əsasında 2012-ci il 13 fevral tarixində Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidməti yaradılıb.

Həmçinin oxuyun

Aydın Xırdalanlısız 7 il - Həmkarları məzarını ziyarət etdilər  (FOTO)

Bu halda pensiya yenidən hesablana bilərmi?    —   VACİB DETAL

Rafael Ağayev oğlunu paylaşıb bu sözləri YAZDI    —    FOTO

Prezidentdən Şamaxı ilə bağlı MÜHÜM MESAJLAR: Bu rayonda hər şey dəyişir!  

Səfərbərlik və Hərbi Xidmətə Çağırış üzrə Dövlət Xidməti Müdafiə Nazirliyinin tabeliyində olmayan, müstəqil mərkəzi icra hakimiyyəti orqanıdır. Bu Xidmətin fəaliyyəti və maddi-texniki təchizat qaydası Prezidentin müvafiq fərmanları, həmçinin “Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidməti haqqında Əsasnamə” ilə tənzimlənir. Ona görə də bu səlahiyyətlərin Nazirlər Kabinetinə aid olması normasını əks etdirən abzasın “Müdafiə haqqında” Qanunun 6-cı maddəsindən çıxarılması təklif edilir. Eyni zamanda layihədə göstərilən digər qanunlardan da “hərbi komissarlıq” sözlərinin çıxarılması təklif edilir. Ümid edirəm ki, qanunvericilikdə müvafiq dəyişikliklərin edilməsi mövcud sahədə tənzimləmənin daha dəqiq və birmənalı tətbiqinə imkan yaradacaqdır”.

A.Nağıyev deyib ki, təklif edilən dəyişikliklər ümumilikdə uyğunlaşdırma xarakterli dəyişikliklərdir, habelə “Normativ-hüquqi aktlar haqqında” Azərbaycan Respublikasının Konstitusiya Qanununun tələblərindən irəli gələrək qanunvericilik texnikası baxımından bəzi ifadələrin dəqiqləşdirilməsi təklif edilir: “Layihə Müdafiə təhlükəsizlik və korrupsiya ilə mübarizə komitəsində müzakirə edilib. Müzakirədə Müdafiə Nazirliyinin və Hərbi Səfərbərlik və hərbi xidmətə çağırış üzrə dövlət xidmətinin hüquq idarələrinin rəisləri, Milli Məclisin müvafiq şöbəsinin rəhbərliyi iştirak etmiş və plenar iclasa tövsiyə edilib”.

Layihə səsə qoyularaq təsdiqlənib.