Prezidentdən "Şərəf" ordeni alan Xalq şairi: Vahid Əzizin sözləri musiqidə

$Prezidentdən \"Şərəf\" ordeni alan Xalq şairi: Vahid Əzizin sözləri musiqidə$

CƏMİYYƏT

921

23.11.2025, 13:12

Xalq şairi Vahid Əzizin doğum günüdür – Ən çox sevilən mahnılar yaddaşlarda yaşayır.

Bu gün Azərbaycanın Xalq şairi, sevilən söz ustadı Vahid Əzizin doğum günüdür. O,80 illik yubileyini qeyd edir.Çağdaş poeziyanın tanınmış nümayəndəsi olan şair həm də dillər əzbəri olan mahnıların müəllifi kimi xüsusi rəğbət qazanıb. Onun sözlərinə bəstələnən mahnılar illərdir həm xalqın yaddaşından, həm də musiqi dünyasının gündəmindən düşmür.

Oxu24.com Xalq şairinin sözlərinə yazılmış mahnılarla bağlı araşdırma aparıb.

Vahid Əzizin sözlərinə bəstələnmiş ən məşhur mahnılar sırasında: “Qəribə dünya”, “Səni deyirlər”, “Gəl barışaq”,“Ağlama, Qəlbim”, “Məni sən unutmusan”, “Səndən başqa”, “Mən səni axtararam”, “Səni necə unudum” vardır.

1. “Qəribə dünya- bu mahnı həm melodiyası, həm də dərin məzmunlu sözləri ilə Azərbaycan musiqisinin klassik əsərləri sırasında yer alır.

2. “Səni deyirlər”- sevgi və həsrət hisslərini ifadə edən bu mahnı uzun illərdir ən çox ifa olunan əsərlərdən biridir.

3. “Gəl barışaq”- ürəkdən gələn barış çağırışı ilə mahnı həm gənclər, həm də böyük nəsil tərəfindən sevilir.

4. “Ağlama, Qəlbim”- həsrət və duyğu dolu sözləri Vahid Əzizin poeziyasının ən incə nümunələrindəndir.

5. “Məni sən unutmusan”- bu mahnı Azərbaycan musiqi tarixində sevgi mövzusunun ən təsirli nümunələrindən biri sayılır.

6. “Səndən başqa”- romantik melodiyası ilə seçilən mahnı illərdir dinləyicilərin favoritləri arasındadır.

7. “Mən səni axtararam”- sözlərindəki emosional güc mahnını klassiklər sırasında saxlayır.

8. “Səni necə unudum”- unudulmaz melodiyası və dərin məzmunu ilə geniş kütlələrin sevdiyi əsərlərdən biridir.

Bu mahnılar təkcə musiqisevərlərin deyil, həm də ifaçıların repertuarında xüsusilə seçilir. Müasir estrada müğənniləri də şairin sözlərinə müraciət edir, onun nüfuzunu daha da artırırlar.

Qeyd edək ki, Vahid Əziz uzun illərdir Azərbaycan poeziyasının inkişafına mühüm töhfələr verib. Onun yaradıcılığı məhəbbət, həsrət, sevgi və həyat fəlsəfəsi ilə zəngin olub, layiqli şəkildə Xalq şairi adına yüksəlib.

Azərbaycan Respublikasının Prezidenti İlham Əliyev Xalq şairi Vahid Əzizin (Vahid Əziz oğlu Cəfərov) Azərbaycan ədəbiyyatının inkişafında uzun illər ərzində göstərdiyi səmərəli fəaliyyətinə görə “Şərəf” ordeni ilə təltif olunması barədə Sərəncam imzalayıb. Sərəncam 22 noyabr 2025-ci il tarixində rəsmiləşdirilib.

“Oxu24.com” kollektivi Xalq şairini doğum günü münasibətilə təbrik edir və ona yeni yaradıcılıq uğurları arzulayır.

Çimnaz Telmanqızı

Həmçinin oxuyun