Gülçin Aslanlının ilk fərdi sərgisi və “ASLANLI MUSEUM” qalereyasının açılışı baş tutub

CƏMİYYƏT

480

17.11.2025, 12:43

Ötən gün Xocalı prospektində keramika rəssamı və heykəltəraşı Gülçin Aslanlının “Kalibrinin gücü” adlı ilk fərdi sərgisi baş tutub. Tədbirlə eyni vaxtda sənətçinin yaratdığı “ASLANLI MUSEUM” adlı qalereyanın açılış mərasimi də gerçəkləşib.

Gülçin Aslanlı 10 illik yaradıcılıq fəaliyyəti ərzində ölkədə keramika və vitraj sahəsində özünəməxsus sənət istiqaməti və yaradıcılıq məktəbi formalaşdıran aparıcı sənətçi kimi tanınır.

Sərginin açılışında sənətçinin çıxışı böyük maraqla qarşılanıb. Gülçin xanım nitqinə bu sözlərlə başlayıb: “Çətinliklərə baxmayaraq ucalan, kiçik amma enerjisi ilə uçan, incə və zərif görünən, amma gücü və azadlığı ilə sərhədsiz kalibri kimi özümü sıfırdan yaratdım.”

O, son illərdə qarşılaşdığı çətinliklərə baxmayaraq sənətə daha güclü şəkildə qayıtdığını xüsusi vurğulayıb. Sərginin onun üçün həm yaradıcılıq, həm də şəxsi transformasiyanın simvolu olduğunu qeyd edib.

Həmçinin oxuyun

Leyla Əliyeva xalasını doğum günündə belə TƏBRİK ETDİ

Respublikanın ən gənc prorektoru Hidayətli kimdir? - DOSYE

Onkoloq XƏBƏRDARLIQ EDİR: Xərçəng xəstəliyinə tutulduğumuzu necə bilməliyik?

Avtomobilimin işıq cihazlarında dəyişiklik edə bilərəmmi? - SUALA CAVAB

Ekspozisiyada nümayiş olunan əsərlərdə kalibri quşu xüsusi simvolik məna daşıyır. Qonaqlar əsərlərin həm emosional dərinliyini, həm də texniki ustalığını yüksək qiymətləndiriblər.

Tədbirdə bir sıra tanınmış dövlət və ictimai xadimlər də iştirak ediblər. Millət vəkili Arzu Nağıyev və Radioloqlar Cəmiyyətinin sədri Yunus Əfəndiyev fəxri qonaqlar arasında yer alıblar.

Sərgi ziyarətçilər tərəfindən böyük maraq doğuraraq sənətkarın yaradıcılığına yeni nəfəs gətirib.

Yeni açılan “ASLANLI MUSEUM” bundan sonra çoxfunksiyalı incəsənət məkanı kimi fəaliyyət göstərəcək. Məkan həm rəssamın əl işlərinin nümayiş etdirildiyi daimi qalereya olacaq, həm də xüsusi və korporativ hədiyyələrin satışı həyata keçiriləcək. Burada master-klasslar, yaradıcılıq görüşləri və müxtəlif mədəni tədbirlərin təşkili də nəzərdə tutulub. Mərkəzdə fəaliyyət göstərəcək kiçik coffeshop isə ziyarətçilər üçün rahat istirahət və görüş imkanı yaradacaq.