Ulduz falı: 14 noyabr, 2025-ci il 

Qoç

Bu gün xüsusilə nəzakətli və incə davranmaq vacibdir. Kəskin ifadələrdən, tənqiddən çəkinin, xüsusən də yaşca sizdən böyük insanlarla ünsiyyətdə ehtiyatlı olun. Zarafatlarda da ölçü saxlayın. Əvvəllər fikir ayrılığına səbəb olmuş mövzulara qayıtmayın və çətin məsələləri müzakirəyə çıxarmayın. Ən yaxşısı, bu günü sadə və xoş ünsiyyətlə keçirməkdir.

Maliyyə baxımından gün uğurlu olacaq. Gözləmədiyiniz gəlir əldə edə və ya sizə köhnə borclar qaytarıla bilər. Özünüzə bəzi xoş alış-verişlər edə biləcəksiniz, amma böyük xərclərə tələsmək məsləhət deyil.

Buğa

Səhər saatlarında sakitlik gözləmək çətin olacaq. Yaxınlarla fikir ayrılığı və kiçik anlaşılmazlıqlar mümkündür. Lakin ehtiyatlı davranış və situasiyanı yumşaltmaq bacarığınız sayəsində ciddi problemlərin qarşısını alacaqsınız. Özünüzü daha pozitiv dalğaya kökləyə və başqalarına da bu əhvalı ötürə biləcəksiniz. Bütün ideyalarınız dərhal dəstək tapmaya bilər, buna görə onları paylaşmazdan əvvəl yaxşıca düşünün və tənqidə qarşı soyuqqanlı olun. Xüsusilə vacib planları isə günün ikinci yarısına saxlamaq daha məqsədəuyğundur.

Maliyyə məsələlərində ehtiyatlı davranın. Tələsik və spontan alış-verişlər uğurlu olmayacaq. Endirim adı ilə lazımsız əşyalar almaq sonradan peşmanlıq gətirə bilər. Borc vermək və ya pul məsələlərini sənədsiz razılaşdırmaq da arzuolunan deyil. Günün ikinci yarısı isə sevdiyiniz insanla birlikdə keçirmək üçün çox münasibdir — qarşılıqlı anlaşma və romantik anlar çox olacaq.

Əkizlər

Əvvəllər çətin görünən tapşırıqlara yenidən baxın və bu dəfə fərqli yanaşma ilə cəhd edin. Uğur şansı böyükdür və bəzən nəticəyə gözlədiyinizdən daha asan çatacaqsınız. Əsas rəhbəriniz intuisiya olsun, amma sizi yaxşı tanıyan insanların məsləhətlərini də nəzərə alın.

Yaxınlarla vacib məsələləri müzakirə etmək, birgə planlar qurmaq üçün münasib gündür. Fikir ayrılıqları yaranmayacaq, ideyalarınız dəstək tapacaq. Pul məsələlərində risk etməmək ən doğru qərar olacaq. Kiçik alış-verişlər uğurlu alınacaq, amma böyük xərclərə tələsməyin. Bəzi Əkizlər üçün yeni gəlir mənbəyi də yarana bilər.

Xərçəng

Bu gün sizi sevindirəcək çox hadisə olacaq və narahatlığa əsas verən ciddi səbəblər tapılmayacaq. Hər cür dəyişiklik sizi ruhlandıracaq, yeni təkliflərə həvəslə razılaşacaqsınız. Planlaşdırdığınız hər şey tam reallaşmasa da, gün xoş təəssüratlarla dolu keçəcək. Yeni tanışlıqlar mümkündür, bəziləri romantik münasibətə çevrilə bilər. Əvvəldən mövcud münasibətlər isə daha maraqlı və emosional olacaq.

Yeni işlərə başlamaq üçün münasib vaxtdır. Bu gün tək işləmək lazım deyil — sizə kömək etməyə hazır insanlar olacaq. İstədiyinizi aydın izah etmək və məqsədə çatmaq yollarını düzgün göstərmək bacarığınız çox işinizə yarayacaq.

Şir

Səhər sakitliyinizi qorumaq çətin ola bilər, amma siz bunu bacaracaqsınız. Ətrafdakılarla fikir ayrılığı, gərgin anlar mümkündür. Əvvəllər asan anlaşdığınız insanlar bu dəfə sizi çaşdıra və ya qəsdən mübahisə yarada bilər. Tələsik qərarlar verməyin. Ən yaxşısı, hər detalı bir daha yoxlayın ki, sonra səhvləri düzəltməyə ehtiyac qalmasın.

Səhər saatlarında iri xərclər və riskli sərmayələrdən uzaq durun. Günün ikinci yarısında maliyyə qərarları vermək daha rahat olacaq. Tədricən özünüzə inamınız artacaq, yeni təşəbbüslər göstərmək və maraqlı işlərə başlamaq istəyəcəksiniz. Yaxınlarınız səyahət və ya layihələrdə sizə məmnuniyyətlə qoşulacaqlar.

Qız

Bu gün hadisələrlə dolu və bir qədər gərgin keçəcək, lakin siz soyuqqanlı və ardıcıl davransanız, hər şeyi uğurla idarə edə biləcəksiniz. Hər bir işə ciddi yanaşmaq vacibdir, hətta adi tapşırıqlarda da məsuliyyətli olun. Unutmayın ki, hər kiçik addım sizi məqsədinizə yaxınlaşdırır. Bu düşüncə müsbət əhvalınızı qorumağa kömək edəcək.

Əgər başqaları ilə birlikdə işləyirsinizsə, bəzi çətinliklər mümkündür, çünki hər kəs öz öhdəliyini yerinə yetirməyə bilər. Amma siz təkbaşına da yaxşı nəticə göstərə bilərsiniz, kifayət ki, kimdənsə kömək gözləməyəsiniz.

Tərəzi

Həmçinin oxuyun

DİN əməliyyat keçirib: Həbs olunan var -VİDEO

Müdafiə Nazirliyində yüksək vəzifəli hərbçi həbs olundu

Şəhid anası yanğında dünyasını dəyişdi

Təcili! Milli Məclis bu qərarları qəbul etdi

Səhərdən vacib işlərə başlasanız, bir çox çətin məsələləri həll edə biləcəksiniz. Ətrafınızdakılara kömək etmək üçün təşəbbüs göstərin, bunu sizdən istəmələrini gözləməyin. Bu, münasibətləri düzəltməyə və köhnə inciklikləri aradan qaldırmağa kömək edəcək.

Köhnə dostlar, uzaqda yaşayan qohumlar və ya keçmiş iş yoldaşları ilə görüşmək fürsəti yaranacaq. Ünsiyyət xoş keçəcək və siz maraqlı məlumatlar, yeni ideyalar əldə edəcəksiniz. Maliyyə baxımından gün uğurludur — planlaşdırılmış iri alış-verişlər və gəlir artımı mümkündür.

Əqrəb

Bu gün enerjiniz çox olacaq və bir çox çətin məsələlərin öhdəsindən gələcəksiniz. İnadınız və qətiyyətiniz sayəsində başladığınız işləri sona çatdıracaqsınız. Ətrafdakılar uğurlarınızı görəcək və sizə dəstək təklif edəcək. Bəzi Əqrəblər bu sayədə yeni dostlar qazanacaq, köhnə tanışlarla da əlaqə bərpa olunacaq.

Bu gün gələcəyi planlaşdırmaq və biznes ideyaları üzərində düşünmək üçün münasibdir. Yaradıcılıq və iş sahəsində yeni layihələr formalaşa bilər, bu da gəlirlərinizin artmasına şərait yaradacaq.

Oxatan

Bu gün ehtiyatlı və diqqətli olun. Intuisiyanız sizə nə vaxt səssiz qalmaq və ya özünüzü saxlamaq lazım olduğunu göstərəcək. Xırda məsələlər üzərində mübahisələrə girməyin və unutmayın ki, bəzən kiçik güzəşt böyük mübahisədən daha faydalıdır.

Yeni tanışlara tez etibar etməyin. Onlar xoş davranışları ilə sizi cəlb edə bilər, amma niyyətləri düşündüyünüz qədər saf olmaya bilər. Planlarınız və şəxsi məsələləriniz barədə çox açıqlama verməyin. Maliyyə baxımından gün uğurlu olacaq, xırda gəlirlər və uğurlu alış-verişlər mümkündür.

Oğlaq

Planlaşdırdığınız işləri təxirə salıb yeni bir məsələ ilə məşğul olmalı ola bilərsiniz. Başqaları çaşqınlıq içində qalsa da, siz vəziyyəti tez dəyərləndirəcək və doğru istiqamət tapacaqsınız. Yeni ideyalar paylaşmaq və həmfikirlər tapmaq üçün münasib gündür.

Uğurlu razılaşmalar mümkündür. Böyük alış-verişlər, sərmayələr və ya sadəcə əmanət hesabını artırmaq üçün yaxşı gündür. Bəzi Oğlaqlar sabit əlavə gəlir mənbəyi tapacaq.

Dolça

Bu gün nə işlə məşğul olursunuzsa, bunu öz üsulunuzla edin. Sizin yanaşmanız daha səmərəli olacaq və nəticə verəcək. Hətta sizi əvvəllər tənqid edənlər belə indi fikirlərini dəyişəcəklər. Bu, həm də diplomatik bacarıqlarınızı göstərmək üçün gözəl fürsətdir.

Təhsil, tədqiqat və yaradıcılıqla bağlı işlər üçün çox əlverişli gündür. Fərqli düşüncə tələb edən mövzularda hamıdan üstün olacaqsınız. Eyni zamanda diqqət və dəqiqlik tələb edən məsələlərdə də uğurlu nəticə əldə edəcəksiniz.

Balıqlar

Səhər xırda narahatlıqlar mümkündür, amma sakit davranışla onların öhdəsindən gələcəksiniz. Səfərlər planlaşdırdığınızdan daha çox vaxt və ya xərc tələb edə bilər, bunu nəzərə alın.

Maliyyə baxımından gün pis deyil, amma ilk yarıda risk etməyin. Günün ikinci yarısında sərfəli razılaşma və ya uğurlu alış-veriş mümkündür. Əgər münasibətlərdə gərginlik yaranarsa, axşama doğru hər şey düzələcək və gün romantika ilə tamamlanacaq.(bizimyol)