Bakıda kuryoz hadisə:Maşınına mindirdiyi şəxs "dövlət məmuru" çıxdı,başına iş gəldi - DETALLAR  

Özünü dövlət qurumunun əməkdaşı kimi təqdim edən şəxsin  vətəndaşa qarşı dələduzluq etdiyi iddia olunur.

Bu barədə Ucar rayon sakini Vəliyev Mübariz Vəli oğlu Oxu24.com saytına müraciətində bildirib.

Mübariz Vəliyevin sözlərinə görə,özünü dövlət qurumunun vəzifəli əməkdaşı   kimi təqdim edən Kamil adlı şəxs  avtomobil icarəsi vədi ilə ondan  150 manat pul alıb.

"Mən ailəmi taksi sürməklə dolandırıram.Oktyabrın 8-də maşınıma bir şəxs mindi.Söhbət əsasında mənə polis olduğunu və Xəzər Rayon Polis İdarəsində  əməliyyatçı işlədiyini bildirdi.

Özünü Kamil kimi təqdim edən şəxs söhbətimiz zamanı  qardaşının avtomobil kirayə verən şirkəti olduğunu bildirdi.Mənə oradan işləmək üçün kirayəyə avtomobil götürməyə kömək edəcəyini dedi.

Bu məqsədlə özünün istifadəsində olan  050 666 71 *7 mobil telefonunu əlaqə vasitəsi kimi mənə verdi.Bu ilin oktyabrın 8-də ona yazdım və avtomobilin necə,harada mənə veriləcəyini soruşdum.

Kamil bunun üçün müəyyən ödnişlərin lazım olduğunu bildirdi və məndən ümumilikdə 150 manat pul istədi.Ödənişləri müxtəlif rəqəmlər olmaqla onun təqdim etdiyi  5239 1517 2182 31 *5  kart hesabına göndərdim.

Bütün bunları sübut edən çeklər,yazışmalar və danışıqlar mövcuddur.Ödənişi etdikdən sonra avtomobilin nə vaxt veriləcəyini soruşduqda müxtəlif bəhaələrlə işi uzatdı.Aldadıldığımı görəndə ondan 102-yə şikayət edəcəyimi bildirdim.

Cavabında mənə "102 sənə adboy verər,məni 102 ilə  zad hədələmə" sözlərini dedi.Bundan sonra mən rəsmi qaydada şikayət etdim.Tələbim həmin şəxsin tapılıb,cəzalandırılması və mənə dəymiş ziyanın geri qaytarılmasıdır",-deyə şikayətçi bildirib.

Fotoda şikayətçi Mübariz Vəliyevdir

Özünü vəzifəli şəxs  kimi təqdim edən Kamil  bu addan istifadə edərək rəsmi şəxslərlə də danışıb.Bu barədə şikayətçi Mübariz Vəliyev özü bildirib.

Həmçinin oxuyun

Azərbaycanda iki tələbənin MEYİTİ TAPILDI

Bu şəxslərə vergi güzəşti olacaq - SİYAHI

Yanvarın 15-də bizi nələr GÖZLƏYİR? - BÜRCLƏR 

Evə "kupça" almaq  istəyənlərə ŞAD XƏBƏR

"Maşında gedəndə mənə məhkəmədən zəng gəldi.Uşağa görə aliment ödəməli idim.İki aydır ki,pulu verə bilmədiyim üçün keçmiş həyat yoldaşım məhkəməyə vermişdi.

Bu məsələ ilə bağlı məhkəmənin əməkdaşı ilə danışdığımı Kamil də eşitdi.Telefonu götürüb Ucar Rayon Polis İdarəsinin əməkdaşı ilə danışdı.Məni guya ona tapşırdı ki,alimentə görə məni həbs etməsinlər.Bu yolla bir neçə dəfə vəzifəli şəxs  adından istifadə edib",-deyə şikayətçi bildirib.

Oxu24.com  məsələdə adı hallanan Kamil adlı şəxslə danışıb.O,açıqlamasında ilk olaraq dövlət qurumlarından birinin  əməkdaşı olduğunu desə də,sonradan bunu inkar etdi.O,açıqlamasında ondan şikayət edən Mübariz Vəliyevi tanımadığını bildirdi.

Oxu24.com məsələ ilə bağlı DİN-ə sorğu ünvanlayıb.

Hazırladı: Miri Məcidli