Qaynar xətt:

(+99450) 247 90 86

Bakının ən qocaman avtobusu: 50 nömrəli marşrut  nə vaxt YENİLƏNƏCƏK?

news/2025_11_11/495728708_3897859910455545_4960326354798377344_n_1762845517.jpg

CƏMİYYƏT

618

11.11.2025, 11:17

Bakıda bir çox istiqamətlərdə  xətlərə yeni avtobuslar buraxılsa da,hələ də köhnə nəqliyyat vasitələrinin ümidinə qalanlar da var.Bu isə sakinlərin narahatlığına və narazılığına səbəb olur.Belə problemlərdən biri də  50 nömrəli marşrut avtobusunda yaşanır.

Yeni Günəşli “D Massivi”ndən  “Xalqlar Dostluğu” və “Neftçilər”  metrostansiyaları istiqamətinə  hərəkət  edən   avtobusların  istismar  müddətini  başa  vurması  adi gözlə də görünür.

Bu barədə  Oxu24.com-a  ərazidə yaşayan  və  bu marşrutdan  gündəlik  istifadə  edən  bir  qrup  sakin  məlumat  verib.

Sakinlərin sözlərinə görə,50 nömrəli avtobuslar  köhnə  olduğundan  müasir tələblərlə ayaqlaşa bilmir.

“Bu,avtobuslar köhnədir.Əraziyə gec gedib,çatır.Həmçinin tez-tez yollarda xarab olur.Bir də görürsən ki,alışıb yandı.İnsanlar üçün də təhlükəlidir. İstəyirik ki,bizim də  istifadə etdiyimiz avtobuslar yenilənsin deyə”,-  sakin Rüfət  Hacıyev  açıqlamasında  bildirib.

Qeyd edək ki,sözügedən ərazidə  əhalinin məskunlaşması  son  illərdə  daha çox müşahidə  olunub. Yeni Günəşlidə  yeni yaşayış massivlərinin salınması  bu  prosesi daha da sürətləndirib.Bu faktları nəzərə alıb,sözügedən ərazidə nəqliyyatın yenilənməsinə ehtiyac var.

Rəsmi  məlumata görə, sözügedən marşrutdan gündəlik  10 minə yaxın sərnişin istifadə edir.

Sayt məsələ ilə bağlı   Bakı Nəqliyyat Agentliyinə (BNA) sorğu ünvanlayıb.

Hazırladı: Fuad