Buraxınız,seyr edəyim düşünəyim,oxşayayım,Şu sevimli üç boyalı, üç mənalı bayrağı... 

Buraxınız, seyr edəyim düşünəyim, oxşayayım,

Şu sevimli üç boyalı, üç mənalı bayrağı.

Mələklərin qanadımı üzərinə kölgə salan?

Nə imiş bu, aman Allah?! Od yurdunun yarpağı!

Yazıya  dahi  Cəfər Cabbarlının  “Azərbaycan bayrağına”şeiri ilə başlamaq qərarım əbəs deyil.

Dahilərin  şeirlər,əsərlər,dastanlar həsr etdiyi sevimli Bayrağımız  bizə keçmişdən bir əmanətdir. 

Bu əmanəti qoruyub,saxlamaq  bizim bir mənəvi borcumuzdur. Bayrağı bizim üçün müqəddəs edən bir əsas da var axı... Şəhid  libası  anlamı... Bəli,məhz müqəddəs bayrağımız,müqəddəs şəhidlərin son məzar yoldaşı olmaqla bizim üçün daha bir müqəddəsliyini özündə əks etdirir..Bunun həm dini,həm mənəvi,həm də siyasi anlamı dərin mənaya malikdir.Müqəddəs  Bayrağımız  Azərbaycan adı olan hər yerə,daha doğrusu ən uca yerlərdə daim dalğalanır və hallanır. 

Bayrağımız bizə başqa nələri verir?

Göy yarpaqlı, al çiçəkli yaşıl otlar topasımı?

Xayır, xayır? Çiçək solur, otlar yerdə tapdanır.

Fəqət bizim bayrağımız ucaları pək seviyor,

Yulduzlardan hilaldan da yüksəklərdə fırlanıyor.

Cəfər Cababrlının dediyi kimi  Bayrağa hər zaman zirvə yaraşır. Bayraq həm də bizim üçün ona görə əzizdir ki,ölkəmizi dünyada tanıdır. Beynəlxalq idman yarışlarında  yer qazanan idmançılarımızın və Azərbaycanın şərəfinə məhz üçrəngli,o uca bayrağımız ucalır...

Həmçinin oxuyun

Prezidentdən YENİ TƏYİNATLAR

Prezident  mühüm QANUNU TƏSDİQLƏDİ

Vəsiyyəti ilə Fəxri Xiyabanda yox,həyat yoldaşının yanında dəfn olunan ALİM  - HƏYAT HEKAYƏSİ

Rafael Ağayevlə bağlı xoşagəlməz xəbər yayıldı 

Kölgəsində ay əyilib bir gözəli qucmada.

Qucaşaraq sevdiyilə yüksəklərə uçmada,

Şu görünüş bir ananın şəfqətinə oxşuyor.

Düşündükcə zövqlərimi, vicdanımı oxşuyor.

Bu ay, yıldız, boyaların qurultayı nə demək?

Bizcə böylə söyləmək!

Bu göy boya Göy Moğoldan qalmış bir türk nişanı,

Bir türk oğlu olmalı!

Yaşıl boya islamlığın sarsılmayan imanı,

Ürəklərə dolmalı!

Şu al boya azadlığın, təcəddüdün fərmanı,

Mədəniyyət bulmalı.

Səkkiz uclu şu yulduz da səkkiz hərfli OD YURDU

Əsarətin gecəsindən fürsət bulmuş quş kibi,

Səhərlərə uçmuşdur

Şu hilal da türk bilgisi, düzgün sevgi nişanı,

Yurdumuzu qucmuşdur!

Bayraqdan bəhs edərkən dahi  Cəfər Cabbarlının bu misralarını xatırlamamaq günah deyilmi?

Bu göy boya Göy Moğoldan qalmış bir türk nişanı... Bayrağımız  bizi həm də  Türk Dövlətləri arasında daim zirvələrə qaldırır...Bu səbəbdən də şəninə  mahnılar bəstələnmiş,dillərdə əzbər olan müqəddəs bayrağımıza  hər zaman zirvələrdə dalğalanmaq arzusu  ilə  sözlərimi bu misralarla bitirmək istəyirəm...

Yol gəlmisən bir əsrdən bu yana,

Boyanmısan döyüşlərdə al qana,

Şəhidlərə laylay deyən bir ana,

Dalğalan sən, ey üç rəngli bayrağım,

Kölgəndədir cənnət vətən torpağım!

Müəllif: Oxu24.com saytının baş redaktoru Miri Məcidli