TƏBİB açıqlama yaydı 

Ötən gün İmişli rayon sakini  Ziya Məmmədovun İmişli Rayon Xəstəxanasından şikayəti barədə xəbər vermişdik.Vətəndaş müraciətində İmişli Rayon Xəstəxanasının təcili yardım  şöbəsinin əməkdaşlarının  xəstə çağırışına gəlmədiyini,dəfələrlə edilən  zənglərə  cavab verilmədiyini bildirmişdi.

TƏBİB vətəndaşın iddiaları ilə bağlı  Oxu24.com  saytının sorğusuna cavab verib.

Qurumdan verilən  məlumata  görə,araşdırma zamanı müəyyən edilib ki, Z.Məmmədov tərəfindən edilən zəng zamanı vətəndaş faktiki olaraq İmişli rayonunun Aranlı kəndində yaşasa da, zəng zamanı Biləsuvar rayonunun ərazisində olub.

"Biləsuvar Rayon Təcili Tibbi Yardım Stansiyasının (TTYS) çağırış üzrə tibb qardaşı tərəfindən 12.10.2025-ci il tarixində saat 23:00 radələrində qəbul olunan zəng zamanı vətəndaş ona əvvəlcə İmişli rayon Təcili Tibbi Yardım Stansiyasına zəng etdiyini, lakin birləşmə baş tutmadığını bildirib və dərhal İmişli Təcili Tibbi Yardım Stansiyası ilə birbaşa əlaqə yaradılmasını tələb edib. Bu texniki olaraq mümkün olmadığından vətəndaşa “103” Çağrı mərkəzinə müraciət etməsi, eləcə də yaşadığı ərazinin TTY mərkəzinə birbaşa zəng etməsi tövsiyə olunub.

Eyni zamanda, araşdırma zamanı İmişli rayon Təcili Tibbi Yardım Stansiyasına  qeyd olunan tarixdə saat 21:00-dan növbəti gün saat 09:00-a qədər Aranlı kəndi və ətraf ərazilərdən hər hansı bir müraciətin və ya zəng daxil olmasığı bəlli olub.

Həmçinin oxuyun

Azərbaycanda bu şəxslərin maaşları ARTIRILIR 

SON DƏQİQƏ! Tehran vuruldu: Xeyli sayda həlak olan var

SON DƏQİQƏ! Ağır qəza: Xeyli sayda yaralı var

Dəvənin hürgücündə görün nə TOPLANIRMIŞ -MARAQLI FAKT

TƏBİB olaraq bir daha vətəndaşlara müraciət edərək bildiririk ki, təcili tibbi yardıma ehtiyac olduğu hallarda 103 çağrı mərkəzinə müraciət edilməlidir. Hər hansı texniki və ya digər səbəbdən yerli Təcili Tibbi Yardım Stansiyası ilə birbaşa əlaqə yaradıla bilmədikdə, 103 mərkəzi vasitəsilə məlumat operativ şəkildə müvafiq stansiyalara ötürülür.

Hazırda məsələ ilə bağlı iştirakçı əməkdaşlarla izahat işləri aparılıb, mövcud prosedurların daha effektiv və şəffaf icrasını təmin etmək məqsədilə region üzrə bütün Təcili Tibbi Yardım Stansiyasının əməkdaşlarına təkrar təlimatlandırma həyata keçirilir",-deyə rəsmi açıqlamada qeyd edilir.

Miri Məcidli