Qaynar xətt:

(+99450) 247 90 86

Atası Kəraməti doğum günündə belə təbrik etdi  

news/2025_10_17/562343427_32010531848562586_2861955523102871326_n_1760682726.jpg

CƏMİYYƏT

462

17.10.2025, 10:25

Bu gün yazıçı Kəramət  Böyükçölün  doğum günüdür.

Oxu24.com xəbər  verir  ki, atası  şair Qəşəm  Nəcəfzadə oğlunu sosial şəbəkələrdə təbrik edib.

Həmin paylaşımı təqdim edirik:

Kərişimin (Kəramət Böyükçölün) 38 yaşı tamam olur. Ona 38 şeir yazmışam. Elə şair var ki, heç 38  sevgi şeiri yoxdur. Təbrik edirəm, oğlum. Səninlə fəxr edirəm, mən səni  sevdiyim kimi ,sən də öz oğlunu sev.

Oğlum Kəramət Böyükçölə

Kəramət, səni çağırsam

Səsimin titrəyişi tanış gəlsə

Tanış bir adama oxşasam

Səni güldürmək üçün 

Durub it kimi ulasam

Pişik kimi miyoldasam

Kəramət.

Ayaqqabımı sənə versəm geyməyə

Köynəklərimi sənin üçün daraltsam

Kompüterimi sənə bağışlasam

Bir gün çarpayımda yatsan

Xəstə ürəyimin döyüntülərini

Bir – bir çarpayıdan yığsan

Kəramət.

Səninlə gizlənqaç oynasam

Qaçıb bir qara daşın altına girsəm

Sən məni gəzsən, çağırsan,

Qaçıb, qaçıb göz yaşlarından öpsəm

Üzr istəsəm

Kəramət.

Əllərimi sənə açsam

Səndən bir xatirə dilənsəm

Atanın bir şəklini səndən istəsəm

Sən də o şəkli tapa bilməsən

Kəramət.

Uşaqlıq şəkillərini yığıb sənə versəm

Uşaq kimi iməkləsəm

Körpə kimi qığıldasam

Kəramət.

İndi bütün qığıltılarını səsləndirsəm

Əmziyini, süd şüşəni sənə versəm

Dizlərimi çopur daşlar sıyırsa

Əllərimi isti çayla yandırsam

Mən sənin oğlun olsam

Sən mənim atam olsan

Kəramət.

Nigar