Zakir Qaralov "Akkordu" dirçəldir? - 15 milyonluq borc sıfırlandı 

"Akkord Sənaye Tikinti İnvestisiya Korporasiyası" Açıq Səhmdar Cəmiyyəti (ASC) yenidən biznes sferasında aparıcı şirkətlərdən birinə çevrilmək üçün səylərini artırmağa başlayıb. 

Qaynarinfo xəbər verir ki, ötən ilə 14,9 milyon vergi borcu ilə gündəmə gələn ASC-nin borcu artıq sıfırlanıb. Bu fakt "Akkord"un yenidən dirçəlməyə başladığı barədə məlumatların əsassız olmadığı qənaəti yaradır. 

"Akkord Sənaye Tikinti İnvestisiya" Korporasiyası 2005-ci ildə qeydiyyata alınıb. Nizamnamə kapitalı 83 259 750 manatdır. ASC-nin qanuni təmsilçisi Ayhan Keskinkılıçdır.

İki il əvvəl "Akkord Sənaye Tikinti İnvestisiya Korporasiyası" ASC-nin Müşahidə Şurası tam tərkibdə dəyişib. Vüqar Suleymanov Müşahidə Şurasının sədri vəzifəsini tərk edib, onu bu vəzifədə Malik Məmmədov əvəzləyib. Müslüm Mürsəlov və Tofiq İsayev Müşahidə Şurasının üzvü seçiliblər. 

"Akkord" şirkətinin faktiki sahibi kimi 2000-2020-ci illərdə Azərbaycanın baş prokuroru olan Zakir Qaralovun adı çəkilir. Mediada da bu barədə kifayət qədər məlumat var. 

Həmçinin oxuyun

Cibləri pul ilə dolacaq 4 bürc 

Bu evlər SÖKÜLƏCƏK, proses başladı    —   RƏSMİ AÇIQLAMA +VİDEO

Kommunal xidmətlərlə bağlı MÜHÜM MÜZAKİRƏ 

Rusiyaya bu ölkədən hücum başladı:ABŞ silahları ilə vurulur

Bu arada Gununsesi.info yazır ki, Müslüm Mürsəlovu şirkətin rəhbərliyinə məhz Zakir Qaralov gətirib. Məlumatlara görə, "Akkord"un dirçəldilməsi işğaldan azadilmiş ərazilərdə aparılan yenidənqurmə, abadlıq və tikinti işləri ilə bağlıdır. Zakir Qaralova məxsus olduğu bildirilən ASC də bu işlərdə pay sahibi olmağa çalışır.

Sayt qeyd edir ki, Müslüm Mürsəlov hazırda "Akkord"un problemlərini həll emtəklə məşğuldur. 

Məlumat üçün deyək ki, bir müddət əvvəl "Akkord" şirkəti kütləvi şəkildə məhkəməyə verilib.  İddiaçılar arasında "Azərbaycan Beynəlxalq Bankı" ASC, "Azəriqaz" İstehsalat Birliyi, "Texnikabank” ASC, "Azturmak” MMC, Dövlət Radiotezliklər İdarəsi, "Zəyəm Texnologiyaları” ASC, "Aqrarkredit” Qapalı Səhmdar Cəmiyyəti kimi iri biznes və dövlət qurumlarının adına da rast gəlinir. 

Həmin vaxt yayılan məlumatlara görə, ümumilikdə "Akkord”a qarşı 43 iddia qaldırılıb. Onların arasında hətta şirkətin işçiləri də olub. 

Görünür, Müslüm Mürsəlov məhz bu problemlərin həlli ilə məşğuldur.