TƏBİB,yoxsa,ƏƏSMN  yalan məlumat yayır?   —   Pensiyası kəsilən şəxslə bağlı qurumdan RƏZİLLİK 

Ucar rayonu,Qazyan kənd sakini   Həmidov Zaur Faiq oğlunun pensiyasının kəsildiyi üçün müraciət etməsi barədə xəbər vermişdik.

Rayon sakini Oxu24.com-a müraciətində  əlillik dərəcəsinin olmasına baxmayaraq pensiyasının kəsildiyini və təkrar müraciət etsə də,sənədlərinin Göyçay Rayon Xəstəxanası tərəfindən sistemə vurulmaqdan imtina edildiyini bildirmişdi.

Şikayətçinin saytımıza təqdim etdiyi görüntülərdə onun həqiqətən də əlilliyinin olması  və  ailə üzvlərinin  köməkliyi ilə  hərəkət  etdiyi  görünür.

Məsələ ilə bağlı Oxu24.com-un  Əmək  və Əhalinin Sosial  Müdafiəsi  Nazirliyinə ünvanladığı sorğuya rəsmi cavab verilib.

Dövlət Tibbi-Sosial Ekspertiza və Reabilitasiya agentliliyin İctimaiyyətlə əlaqələr və daxili kommunikasiya şöbəsinin müdiri  Tural  Qurbanovun  sözlərinə  görə,müəyyən edilib ki, vətəndaşın hazırki sağlamlıq vəziyyəti əlillik səviyyəsindədir. 

"Ucar rayon sakini 1976-cı il təvəllüdlü Həmidov Zaur Faiq oğlu əlilliyinin qiymətləndirilməsi məqsədilə 15.08.2025-ci il tarixdə Dövlət Tibbi-Sosial Ekspertiza və Reabilitasiya Agentliyində əyani müayinə edilib.

Həmçinin oxuyun

SON DƏQİQƏ! "Sahil" metrosunun yaxınlığında güclü yanğın BAŞLADI

"Övlad barəsində düşünmürük" - Bir zamanların məşhur müğənnisi Qismət ilə ÖZƏL MÜSAHİBƏ

Fatimə Zeynalova qəfil VƏFAT ETDİ 

Dünyada bu heyvandan az qalıb: Bir neçəsi də Azərbaycandadır - FOTO

Müəyyən edilib ki, vətəndaşın hazırki sağlamlıq vəziyyəti əlillik səviyyəsindədir. Lakin Zaur Həmidovun xəstəliyinə aid heç bir müayinə və müalicə sənədləri olmadığı üçün əlillik təyinatının rəsmiləşdirilməsi mümkün olmayıb. 

Vətəndaş müvafiq tibbi sənədlərini təqdim etdiyi halda, ona əlillik təyinatı aparıla bilər.

Prosesin tezləşdirilməsi və müvafiq dəstəyin göstərilməsi üçün tibb müəssisəsi ilə əlaqə saxlanılaraq bu barədə məlumat da verilib",-deyə rəsmi şəxs açıqlamasında  qeyd  edib.

TƏBİB də məsələyə münasibət bildirib.

Qurumun mətbuat xidmətindən Oxu24.com-un sorğusuna cavab olaraq bildirilib ki,Həmidov Zaur Faiq oğlunun əlilliklə bağlı müraciəti araşdırılıb.

"Araşdırmaya əsasən vətəndaşın orqanizm funksiyalarının pozulma faizinin artırılması məqsədilə C00266412MHP nömrəli göndərişi tibbi-sosial ekspertiza müayinəsinə rəsmiləşdirilib və regional tibbi sosial ekspert komissiyası tərəfindən evində əyani müayinə edilərək sənədləri aktlaşdırılıb. Vətəndaş nəticə ilə bağlı Əmək və Əhalinin Sosial Müdafiəsi Nazirliyinin qaynar xətti (142) ilə əlaqə saxlayaraq məlumat əldə edə bilər",-deyə TƏBİB rəsmi açıqlamasında qeyd edir.

Oxu24.com TƏBİB-in mətbuat xidmətinin təqdim etdiyi məlumatda dəqiqləşmə apararkən məlum olub ki,bu informasiya keçən il təqdim edilən məlumatlar əsasında hazırlanıb.TƏBİB-in belə səhlənkar və qeyri-ciddi açıqlaması anlaşılan deyil.

Məlumat üçün qeyd edək ki,  TƏBİB-in qeyd etdiyi  C00266412MHP nömrəli göndəriş  aprel ayında sistemdə  qeyd  olunub  və  həmin  göndəriş  imtina  cavabı  gəldiyi üçün qüvvəsini  itirib.Görünən odur ki, TƏBİB mətbuata təqdim etdiyi cavablar kimi,vətəndaşlara da bu tərzdə yanaşır.

Məsələni diqqətdə saxlayacağıq.

Miri Məcidli