“AzerGold”un təşkilatçılığı ilə şəhid ailələri Şuşaya səfər etdi - Fotolar

“AzerGold” QSC-nin təşkilatçılığı, Daşkəsən Rayon İcra Hakimiyyəti və Şuşa Dövlət Qoruğunun dəstəyi ilə 25 sentyabr 2025-ci il tarixində Vətən müharibəsinin başlanmasının 5-ci ildönümünə həsr olunmuş “Zəfərin izi ilə” adlı sosial tədbir həyata keçirilib.

 Oxu24.com xəbər verir ki, Vətən uğrunda canlarından keçmiş qəhrəmanların xatirəsini ehtiramla anmaq, onların fədakarlığını gələcək nəsillərə çatdırmaq və şəhid ailələrini mənəvi qayğı ilə əhatə etmək məqsədilə həyata keçirilən tədbir çərçivəsində Daşkəsən rayonundan olan şəhid ailələrinin qəhrəman övladlarının keçdikləri zəfər yolu ilə, canları bahasına azad etdikləri torpaqları ziyarəti təşkil olunub.

Şəhid ailələri tarixi zəfərin rəmzinə çevrilmiş Şuşa şəhərində Azərbaycanın mədəniyyət paytaxtının zəngin tarixi, mədəni irsi, şəhərdə aparılan quruculuq və bərpa işləri ilə tanış olublar. Onlar Cıdır düzünə gedib, Molla Pənah Vaqifin muzey-məqbərə kompleksini, Üzeyir Hacıbəyli, Bülbül və Xurşidbanu Natəvanın güllələnmiş büstlərini, Mehmandarovlar muzeyini, İsa bulağını və digər tarixi-mədəni abidələri ziyarət ediblər.

Səfər müddətində qəhrəman övladlarımızın keçdiyi şərəfli yoldan, onların şücaətlərindən bəhs edilib. Şuşanın işğaldan azad edilməsi uğrunda döyüşlərdə iştirak edən və orada şəhidlik zirvəsinə ucalan hərbçilərin valideynləri övladlarının döyüşdüyü yerlərə baş çəkiblər. Sonda Gövhər Ağa məscidində şəhidlərin ruhuna dualar oxunub, onların xatirəsi ehtiramla yad edilib.

Xatırladaq ki, şəhid ailələri “AzerGold” QSC-nin korporativ sosial məsuliyyət layihələri çərçivəsində əsas hədəf kateqoriyalarından biri olaraq müəyyən edilib və onların sosial rifahının yaxşılaşdırılmasına yönəlmiş müxtəlif layihələr həyata keçirilir. Bununla yanaşı, şəhid ailəsi üzvlərinin, müharibə iştirakçılarının məşğulluğunun artırılmasına da əlavə töhfələr verilir. Hazırda “AzerGold”, onun törəmə cəmiyyətləri və fəaliyyətə cəlb edilən uzunmüddətli podratçı şirkətlərin ümumilikdə 351 nəfər əməkdaşı qeyd olunan həssas kateqoriyaya aiddir.“Qafqazinfo”

Həmçinin oxuyun

Hamamda cansız bədəni tapılan Məzahir görün kimin qardaşı İMİŞ

Oğul öldü,ata tutuldu:daha bir yaralı da var  —  GƏNCƏDƏ HADİSƏ

Hicablı müəllim dərs zamanı şagirdlərə nə dinlətdirib?  —  VİDEO

Komitə sədri məsələyə qarışdı:Nazirlər Kabinetinin 325 nömrəli qərarı...