Əsgərləri Raquf Orucovdan danışır:" Bu insana ancaq şəhidlik yaraşırdı..."

Xəbər verdiyimiz kimi tarixə "Aprel Döyüşləri" kimi düşən 4 günlük hərbi əməliyyatlardan 9 il keçir. Bu gün məhz həmin döyüşlərin sonuncu günüdür.

Oxu24.com xəbər verir ki,məhz bu gün "Murovun Qartalı" kimi tanınan kəşfiyyatçı polkovnik-leytenant Raquf Orucovun şəhadətə ucaldığı gündür.

Ötən günlərdə saytımızda şəhidin həyat yoldaşı Sevinc Orucovanın müsahibəsi yayımlandıqdan sonra  çoxsaylı oxucu müraciətini nəzərə alaraq qəhrəman şəhidimiz haqda yeni məlumat hazırladıq.

Raquf Orucovu  Orduda bu qədər sevdirən səbəblərdən biri də onun səmimi və əsgərin yanında olmağı bacaran komandir olmasıdır.

Oxu24.com bu dəfə R.Orucovun əsgərlərinin xatirələrini toplayıb.Onları təqdim edirik:

Əli Zeynalov: 

"Tabor komandirim olub. Hərbi biletimi öz əli ilə təqdim edib mənə. Yaxşı  sözlə "yağlayıb" verdi.  Bu insana ancaq şəhidlik kimi bir ölüm yaraşardı,başqa cürəsi yox... Allah rəhmət eləsin!"

Zahid Şahbazov:

"Bizim hərbi hissə komandirimiz olub.Çox gözəl insan idi. Qurban bayramında şəxsən bizim posta gəlib,bayramımızı təbrik etmişdi..."

Həsən Əliyev:

"Hərbi hissə komandirim olub.Bir onu deyə bilərəm ki, həm insan kimi,həm də bir zabit kimi bu kişidən bir daha dünyaya gəlməz.Allah şəhidlərimizə rəhmət eləsin..."

Gülalı  Ələsgərov:

"Allah rəhmət eləsin, əziz Komandirim! 2012 -ci il Oktyabrin 10- u özü şəxsən  mənə hərbi bileti verib yolsa salmışdı hərbi hissədən..."

Şako Heydərov:

Həmçinin oxuyun

Azərbaycanda şok! Molla uşağın ayağına dua yazdı  - VİDEO 

SON DƏQİQƏ! Prezidentdən Baş prokurorla bağlı təklif

“Azərlotereya”nın sponsorluğu ilə yeni voleybol komandası yaradılıb  

Maşınınızda bu aksesuarlar varsa, çıxarın - CƏRİMƏSİ VAR 

"Hərbi hissə komandirim olub Ağdamda. Fəxr ediləsi komandir olub.Çox uzaq görən, vətənpərvər biri idi. Məkanın cənnət olsun igid Qəhrəmanımız!"

Tural Əliyev:

"Hərbi hissə komandirimiz olub. Haqqında xoş xatirələr və hadisələr çoxdur. Zabit kimi bir yana, insan kimi də çox mehriban və istiqanlı insan idi. Postlara gələndə əsgərlərlə şəxsən bir qardaş kimi söhbət edir, yemək yeyir və məsləhətlərini bölüşürdü. Allah rəhmət eləsin".

Roma:

"Mənim kəşfiyyat  rəisim olub. Çox mərd, fiziki hazırlıqlı, bilikli və cəsur kəçfiyyatçı di. Allah rəhmət eləsin".

Eynar Hacızadəh

"Bizim komandir olub. Ancaq müsbət xatirələr qalıb. Allah rəhmət etsin".

Ələkbər Nağıyev:

"2007-2008 161ci H/H o vaxt mayor rütbəsində tabor komandirim olub. Çox gözəl insan, qayğıkeş zabit olub, əla kəşfiyyatçı vətənini sevən kişi olub Raquf Orucov. Məkanın cənnət olsun".

Quliyev Rəfael:

Allah sizə rəhmət eləsin cənab polkovnik -leytenant! Gözəl insan ,qayğıkeş hərbiçi idi. 2011- 2012- ci illərdə hərbi hissə komandirim olub, əsgərlərinə qayğı göstərən insan idi..."

Raquf Orucov nələr edib, kim olub.

-Raquf Orucov Azərbaycan Silahlı Qüvvələrinin Ermənistanla müharibədə şəhid verdiyi yeganə briqada komandiridir.

- Raquf Orucov briqada komandiri ola-ola bütün nizamnaməyə arxa çevirib ermənilərin içərisinə tək, bəli tək kəşfiyyata gedib qayıdan biridir.

- Raquf Orucov əsgərlərindən, döyüş yoldaşlarından ona yazılmış yüzlərlə məktubu qəbrinin üzərinə qoyulduğu yeganə komandirdir.

“Raquf Orucov Fərrux dağı uğrunda döyüşmüş, ayağından qəlpə yarası almışdı. Narahat olmasın deyə yaralandığını anasından gizlətmişdi. Şəhid olanacan o qəlpəni ayağında gəzdirdi. Havalar soyuyanda gizildəyirdi.

Bir dəfə əsgəri soruşub:

- Komandir, niyə əməliyyat etdirmirsiniz?

Cavab:

- Müharibə bitməyib hələ. Ola bilər, yenə yaralanım, qələbədən sonra hamısını birdəfəlik edəcəm.

Sumqayıtın Şəhidlər Xiyabanında dəfn olunan Raquf Orucovun məzarının solunda 2014-cü il doyüşlərində şəhid olan əsgər Hüseyn Abdulov, sağında elə Aprel döyüşlərində şəhid olan Murad Məmmədov dəfn edilib. Həm Hüseyn Abdulov, həmdə Murad Məmmədov polkovnik-leytenant Raquf Orucovun əsgərləri idi.

Hazırladı: Miri Məcidli

Qeyd: Yazı hazırlanarkən  dosent  Zaur Aliyevin xatirələrindən də istifadə olunub.