Kamran Əsədov hansı vəzifələrdə işləyib? - DOSYE

Deputatlığa namizəd daha bir vəzifəsindən azad edilib.

Oxu24.com  xəbər  verir  ki,Kamran Əsədov ADPU-nun Təhsildə Təhlil və Kommunikasiyalar Mərkəzinin direktoru vəzifəsindən azad edilib.

Təhsil eksperti kimi tanınan Kamran Əsədov 2024-cü ildə 70 saylı Neftçala seçki dairəsindən müstəqil namizəd olaraq öz namizədliyimi irəli sürmüşdü.

Bakalavr təhsilini Bakı Dövlət Universitetinin Tarix ixtisasında, magistratura təhsilini Azərbaycan Dövlət Pedaqoji Universitetinin Türk Dünyası Tarixi ixtisasında alıb. 

Sonralar magistratura üzrə ADA Universitetinin Təhsilin İdarəolunması ixtisasını,  Doktorantura üzrə Bakı Dövlət Universitetinin Vətən Tarixi ixtisasını bitirib. 

Kamran Əsədovun əmək fəaliyyəti:

2004–2008: “Zirvə” kursu – Direktor müavini, tarix müəllimi;

– 2008: “Hədəf” kursu – Tarix müəllimi;

– 2009–2015: Səbail rayonu 51 saylı orta məktəb - Tarix müəllimi;

– 2011–2015: Bakı Dövlət Universiteti -Tarix müəllimi;

– 2014–2018: “İrəli” hazırlıq kursu - Direktor, tarix müəllimi;

– 2016–2024: Təhsil Araşdırmaları Mərkəzinin direktoru;

– 2019–2021: Qərbi Kaspi Universiteti - Tarix müəllimi;

– 2019–2023: “Kamal” kursu - Direktor, tarix müəllimi;

– 2024–2025: ADPU - Təhsildə Təhlil və Kommunikasiyalar Mərkəzinin direktoru;

– 2025 - 20 gün əvvəl sədr seçilən 

Elm və Təhsil İșçiləri Həmkarlar İttifaqı Nərimanov Rayon Komitəsinin sədri olan Kamran Əsədov bu gün vəzifəsindən azad olub.

Qeyd edək ki, tanınmış təhsil eksperti Kamran Əsədova bir neçə gün bundan əvvəl cinayət işi açılıb. 

Cinayət işinin ibtidai istintaqı artıq yekunlaşıb. Belə ki, hazırda məhkəmə istintaqı davam edir. Kamran Əsədov tanışı Gündüz Abbasovla birlikdə 2025-ci ildə keçirilən qəbul və buraxılış imtahanlarında qanunsuz texniki vasitələrdən istifadə halları ilə bağlı ittiham olunur. Onlara Cinayət Məcəlləsinin 302.3-cü (gizli informasiya əldə etmək üçün nəzərdə tutulmuş texniki vasitələrin qanunsuz satılması və ya satış məqsədilə əldə edilməsi) və 308.1-ci (vəzifə səlahiyyətlərindən sui-istifadə) maddələri ilə ittiham elan edilib.

Hazırladı: Nigarxanım

Həmçinin oxuyun

SON DƏQİQƏ!SOCAR-da işləyənlərə mühüm xəbər:kütləvi ixtisarlarla bağlı...

Güzəştli mənzilləri satışa çıxır  — Ev almaq istəyənlərə ŞAD XƏBƏR

Pensiyalarla bağlı RƏSMİ AÇIQLAMA 

Nazirlər Kabineti yeni qərar verib