Azərbaycanda qəfil ölümlərin sayı artdı: Nədən qorunmalıyıq?

2025/02/11/1739222347_urek_aqrisi_-_insult.png

CƏMİYYƏT

1152

11.02.2025, 09:20

Son dövrlər cəmiyyətimizdə qəfil ölümlər barədə xeyli xəbər dərc olunub. Bəzi şəxslər iddia edirlər ki, say əvvəlki illərə nisbətən çoxalıb. Bəs görəsən, statistika nə yerdədir və mövcud reallığı yaradan səbəblər nədir?

OXU24.COM xəbər verir ki, Səhiyyə Nazirliyi İnformatika və Statistika İdarəsindən bildirilib ki, qəfil ölümlərin sayı 2022-ci ildə 896, 2023-cü ildə 565, 2024-cü ildə isə 533 hal təşkil edib.

Səhiyyə Nazirliyi Elmi-Tədqiqat Kardiologiya İnstitutunun elmi işlər üzrə direktor müavini, tibb elmləri doktoru Rafail Daşdəmirov Oxua.az-a açıqlamasında qəfləti ürək dayanmasının səbəbinin ürəyin işemik xəstəliyi olduğunu deyib:

Həmçinin oxuyun

Respublikanın ən gənc prorektoru Hidayətli kimdir? - DOSYE

Onkoloq XƏBƏRDARLIQ EDİR: Xərçəng xəstəliyinə tutulduğumuzu necə bilməliyik?

Avtomobilimin işıq cihazlarında dəyişiklik edə bilərəmmi? - SUALA CAVAB

Gəncləşmiş ölümlərin səbəbi bu imiş? — Mütəxəssisdən ŞOK XƏBƏRDARLIQ

"Bu zaman tromboemboliya (qan damarında əmələ gəlmiş laxtanın axınla gedib kiçik mənfəzli damarın keçidini tıxaması - red.) və ürək ritm pozuntusu olaraq asistoliya (elektrik və mexaniki ürək aksiyasının tamam dayanması - red.) səbəbindən qəfləti ölüm baş verir. Ürək qan-damar sisteminin bir sıra xəstəlikləri nəticəsində öncə miokard infarktı, aterosklerotik dəyişikliklər nəticəsində koronar damarların tıxanması və güclü stres nəticəsində angiospazm ölümə səbəb ola bilər.

Əsasən, bunun bir sıra səbəbləri ola bilər: irsiyyətin rolu, stres faktoru, düzgün qidalanmamaq, yuxu rejiminin düzgün olmaması, alkoqol və tütün məhsullarından istifadə olunması və sair. Qəfləti ölümlərin səbəbi kimi müasir dünyamızda hərəkətsizliyin gətirdiyi piylənmənin rolunu da xüsusi vurğulamalıyıq".