Hakimin “addımbaşı pul istəyirdilər” iddiasına- Hospitaldan cavab

CƏMİYYƏT

789

17.01.2025, 15:17

Xəbər verdiyimiz kimi, Bakı Ağır Cinayətlər Məhkəməsinin hakimi Azad Məcidov araşdırdığı işlərdən biri ilə bağlı məhkəmə iclasında Mərkəzi Gömrük Hospitalı haqda danışıb.

Hakim zərərçəkmiş şəxslərdən birinin ifadəsinə münasibət bildirərkən özünün də hospitalda xoşagəlməz hallarla qarşılaşdığını xatırlayıb: “O vaxt mən koronavirusa yoluxmuşdum. Vəziyyətim pis idi. Belə qərara gəldik ki, Gömrük Hospitalında müalicə alım. Təsəvvür edirsiniz, hara addım atırsan, pul istəyirdilər. Pulsuz adama salam da vermirdilər. 41 dərəcə qızdırmada idim. Deyirəm ölürəm, yardım edin, baxmamış pul istəyirdilər”.

Həmçinin oxuyun

Leyla Əliyeva xalasını doğum günündə belə TƏBRİK ETDİ

Respublikanın ən gənc prorektoru Hidayətli kimdir? - DOSYE

Onkoloq XƏBƏRDARLIQ EDİR: Xərçəng xəstəliyinə tutulduğumuzu necə bilməliyik?

Avtomobilimin işıq cihazlarında dəyişiklik edə bilərəmmi? - SUALA CAVAB

Məsələyə Mərkəzi Gömrük Hospitalı reaksiya verib. Hospitaldan “Qafqazinfo”ya daxil olan açıqlamada hakim Azad Məcidovun müalicə ilə bağlı dediklərinə belə cavab verilib: “Azad Əliağa oğlu Məcidov 13 noyabr 2020 tarixdə ambulator qaydada Mərkəzi Gömrük Hospitalın poliklinik şöbəsinin həkim-terapevtinə müraciət edib və həmin vaxt ağciyərlərin KT-si icra edilib. O, COVİD-lə bağlı hospitalda stasionar müalicədə olmayıb. Azad Məcidovun hospitala başqa müraciəti və ya stasionar müalicədə olması bizim sistemdə qeyd olunmayıb”.

Qeyd edək ki, sözügedən məhkəmə prosesi talasemiyalı uşaqların yaxınlarının aldadılması ilə əlaqədardır. Sonuncu məhkəmə prosesində ifadə verən zərərçəkmiş də təqsirləndirilən şəxslərlə onu Mərkəzi Gömrük Hospitalının həkimi Mir Cəlal Kazıminin tanış etdiyini bildirmişdi. Məhkəməyə sədrlik edən A.Məcidov da məhz bu ifadəyə münasibət bildirərkən hospitaldakı müalicəsindən danışmışdı.