Maliyyə Nazirliyi və Dövlət Gömrük Komitəsi birləşdiriləcək? -AÇIQLAMA

CƏMİYYƏT

788

15.01.2025, 12:46

Bir neçə müddətdir Dövlət Gömrük Komitəsinin, Maliyyə Nazirliyi və Dövlət Vergi Xidmətinin birləşdiriləcəyi ilə bağlı fikirlər səsləndirilir. Bu qurumların bir sıra ölkələrdə birgə fəaliyyət göstərdiyi məlumdur.

Bəs görəsən, Azərbaycanda adıçəkilən komitə, nazirlik və xidmətin birləşdirilməsi gözlənilirmi?

Milli Məclisin İqtisadi siyasət, sənaye və sahibkarlıq komitəsinin üzvü, deputat Vüqar Bayramov açıqlamasında bildirib ki, 2025-ci ildə Azərbaycanda iqtisadi islahatların dərinləşəcəyi gözlənilir.

Həmçinin oxuyun

Öz adına kredit götürüb başqasına verənlərə VACİB XƏBƏR — Məhkəmə təhlükəsi

Bəylər Eyyubovun general qohumu işdən ÇIXARILDI

Yeni general Kəmaləddin Heydərovun xanımının dayısı oğlu imiş -DETALLAR

Zelenski mühüm səfərə GETDİ: Nələr dəyişir?

O qeyd edib ki, instutisional islahatlarla bağlı Prezident İlham Əliyev tərəfindən bir neçə sərəncamlar imzalanıb:

"Bu ilin Azərbaycanda yeni dövrün hədəflərinə uyğun olaraq islahatların dərinləşməsi ili kimi yadda qalacağı gözlənilir. Xüsusilə, idarəetmə sisteminin çevikliyinin artırılması ilə bağlı fəaliyyətlər davam etdiriləcək. Dövlət gəlirlərinin formalaşması, onların xərclənməsi ilə bağlı islahatlar da müzakirə edilən məsələlərdəndir. Ölkələrdə fərqli modellər var. Bir sıra qonşu ölkələrdə həm vergi yığma, həm də xərcləmə ilə bağlı vahid instutisional qurumlar fəaliyyət göstərir. Bəzi ölkələrdə Milli Gəlirlər Xidməti var və həmin xidmət bütün vergilərin toplanmasına məhsul qurumdur. Bəzilərində isə gömrük və vergi sistemləri ayrıdır. Azərbaycan da daha çevik modelin tətbiqini həyata keçirən ölkələrdəndir. Bu baxımdan, islahatların davam edəcəyi gözləniləndir. Sözsüz ki, instutisional istiqamətdə qəbul edilən qərarlarla bağlı da mütəmadi məlumatlar təqdim olunacaq".

Qeyd edək ki, yanvarın 10-da Prezident İlham Əliyevin Sərəncamı ilə maliyyə naziri Samir Şərifov tutduğu vəzifədən azad edilib. Dövlət başçısının imzaladığı digər Sərəncamla o, Azərbaycan Baş nazirinin müavini təyin olunub. S.Şərifov 2006-cı ilin aprel ayından maliyyə naziri vəzifəsində çalışıb.