Braziliyanın Ubatuba şəhərindəki Qastan Madeyra hava limanında "Cessna Aircraft" biznes-jeti uçuş-enmə zolağından çıxaraq şəhər çimərliyində partlayıb.

OXU24.COM xəbər verir ki, bu "SHOT" "Telegram" kanalı məlumat yayıb.

Hadisə nəticəsində çimərlikdə istirahət edənlər də daxil olmaqla 7 nəfər xəsarət alıb. Təyyarənin pilotunu xilas etmək mümkün olmayıb. Təyyarədə beş nəfər olub. Hadisə şahidləri əksəriyyəti uşaq olan sərnişinləri xilas edə bilib.

İlkin məlumata görə, təyyarənin qəzaya uğramasına səbəb pis hava şəraiti və uçuş-enmə zolağının yağışdan islanması olub.