Ayağı ayaq üstə aşırıb oturmaq qorxulu xəstəliklər yaradır

CƏMİYYƏT

399

04.01.2025, 10:00

Ayağı ayaq üstə aşırıb oturmaq ən zərərli və təhlükəli vərdişlərdən biridir. Bu, orqanizmdə varikoz və bir sıra digər problemlərə səbəb ola bilər.

Bu barədə rusiyalı nevroloq Jan Şolomitski xəbərdarlıq edib.

Onun sözlərinə görə, bu formada oturanda ayağın öz ağırlığı altında damarlar sıxılmağa başlayır.

"O qədər də güclü olmasa da, venoz qanın cazibə qüvvəsinə qarşı qalxdığını nəzərə alsaq, o tədricən daha çox ləngiyəcək. Nəticə - varikoz venaların genişlənməsidir", - deyə həkim izah edib.

Şolomitskinin sözlərinə görə, varikozun nə qədər tez özünü göstərəcəyi insanın mobillik dərəcəsindən asılıdır: insan nə qədər aktivdirsə, risk bir o qədər azdır.

Həmçinin oxuyun

Leyla Əliyeva xalasını doğum günündə belə TƏBRİK ETDİ

Respublikanın ən gənc prorektoru Hidayətli kimdir? - DOSYE

Onkoloq XƏBƏRDARLIQ EDİR: Xərçəng xəstəliyinə tutulduğumuzu necə bilməliyik?

Avtomobilimin işıq cihazlarında dəyişiklik edə bilərəmmi? - SUALA CAVAB

"Hərəkət zamanı baldır və kambalavari əzələlər işə düşür - bunlar da venoz qanı ürəyə vurmaq üçün əsas nasoslardır. Bu əzələlər addım atdıqda, ya tullanma zamanı yerdən təkan almağımıza kömək edir və ayaqlarda qan ləngliyini azaldır", - deyə nevroloq dəqiqləşdirib.

Həkim əlavə edib ki, ayaqların çarpaz vəziyyəti, həmçinin çanaq dibinin, çanaq diafraqmasının sıxılmasına səbəb olur, bu, varikoz yaranması riskini daha da artırır.

"Çünki bu vəziyyətdə olan diafraqma ondan keçən sinirləri, qan və limfa damarlarını sıxır, nəticədə, sidik-cinsiyyət sistemi orqanlarında mübadilə prosesləri pozulur. Düz bağırsaq, sidik kisəsi, kişilərdə prostat, qadınlarda uşaqlıq yolu müxtəlif növ iltihabi proseslərin yaranmasına daha həssas olur", - deyə Şolomitski sözlərini yekunlaşdırıb.

Qeyd edək ki, venaların varikoz genişlənməsi sadəcə estetik problem deyil, həm də ciddi xəstəlikdir və təhlükəli nəticələrə gətirib çıxara bilər.